Lɛaṛbi Imɣṛan
lɛṛbi imɣran assaɣ ns imidi lɛṛbi habbu iga anaẓuṛ ig anḍḍam amaziɣ, ilul g usggʷas n 1978 g usun n usaka, taɣiwant n wijjan, tasga n tznit. [1]
tankra
[ssnfl | Snfl asagm]ilul lɛṛbi imɣran g yat twja tanammast, asslmd amnzu izzrit g yat tinml tasunant, dat ma izzri kṛaḍ isggʷasn n usslmd dat-amnzu g tznit. mqqar imurs imɣran g tɣri ns, ur gis iɣrrid acku iffuɣ dat usslmd amnzu, ifta s usinan asmattag iffuɣ sg tɣri. mac, iga imiri n tɣri d udlis ar yaqqra s ugayyu ns; ar yaqqra tanḍḍamt taɛṛabt n kigan n imdyazn zun mṣtafa luṭfi almanfaluṭi d jbran xalil jabran d wiyyaḍ. mayad at yuddjan ad inḍm s tɛṛabt tamdyazt ad:
| iɛdl bda yan iɛzzan | ixf ns ad ig zun d aman | |
| azzlnin ur jju bddan | ira ad tn isu ira sgisn ituḍḍa yan | |
| ima iɣ ur azzln ira ad rkun | ɣikann as mqqar t iga yan | |
| iɛdl bdda yan iɛzzan | ixf ns ad ig zun d ayyur | |
| iɣ d ilul iɣawl ad rwln | ar iṭṭmaṭal ɣ ignwan | |
| mla bda gisn dawmn | ur ira atn sar iḥubbu yan | |
| ɣikan as mqarr t iga yan | inna ɣ illa ccan atid lkmn |
izlan ad, inḍmin imɣran dat ma iɣra tamdyazt n "assafar" n "alimam ccafiɛi":
| سافر تجد عوضا عمن تفارقه | وانصب فإن لذيذ العيش في النصب | |
| إني رأيت وقوف الماء يفسده | إن سال طاب و إن لم يجر لم يطب | |
| و الشمس لوقفت في الفلك دائمة | لملها الناس من عجم و من عرب |
maya ar immal mas lɛṛbi imɣran tnkrd dis tayri n tmdyazt taɛṛabt. ur d inkir lɛṛbi ɣas d tmdyazt taɛṛabt mac, inkrd ula d tmdyazt tamaziɣt.
asmuttg
[ssnfl | Snfl asagm]sg tamẓi ns, ar issflid lɛṛbi i tɣnnijt d imɣnnjn imaziɣn s ul ns d unlli nsn, slawan i tɣnnijt n sus. ar issflid lɛṛbi i trubba ittyussann g uzmz ns, zun inrzaf, laryac, inḍḍamn d tiyyaḍ. mklli issflid ula i inmɣurn n taṛṛwayṣit zun lḥajj ddmsiri, bizmawn d faṭima tabaɛmrant.
tayri n imɣran i tɣnnijt tamaziɣt ad as ifkan tiddas n usmmrsl n trabbut ns tamzwarut ddu ism n imanarn g tɣiwant n wijjan g usggʷas n 1998. tarabbut ad ilan tamatart tamqqrant g usmuttg n imɣran, acku tga irim ns amzwaru g usɣnnj d tirra n tguriwin n tɣnnijin ns.
tirubba
[ssnfl | Snfl asagm]tarabbut tamzwarut n lɛṛbi imɣran tgatt tarabbut n imanarn sg usggʷas n 1998 ar usggʷas n 2000 afad ad immatti g usggʷas ad s tarabbut imɣran (tarabbut). tarabbut n imɣran ag ismmrsl taɣarast ns tudmawant g tẓuṛi, afad ad ikcm s ubaraz n tɣnnijt tasusit sg taggurt nna akk° imɣurn.
tirimt g umussu amuslm
[ssnfl | Snfl asagm]g yan uzmz, ikcm lɛṛbi imɣran d kra n umussu amuslm asunni, ikka disn sin isggʷasn, ur ikki mani i umarg d tɣnnijt mac, isnfl tiwngimin ns, isnfl ula taɣarast ns g usɣnnj d nnḍm, ur sul a ittnḍam xf tmɣart ula tayri d imrsitn akk° ur d imsackan d twngimin ns tisgdanin. inna lɛṛbi mas asɣnnj ur igi tawwuri ula iga taɣarast nna iɣi yan att iḍfuṛ g tudrt ns, ar ittini daɣ mas dars tga ɣas imiss n uzzray n wakud d usmrrer. imrsi ad af inna, s ils n lḥajj blɛid:
a yamarg ur jju sgis skirɣ aḥayk ula idukan
iɣ iḥawl islla nɣ
— lḥajj blɛid
tannayt xf usɣnnj
[ssnfl | Snfl asagm]ar ittini lɛṛbi imɣran mas ur jju d ntta a ira ad isɣnnj s kra n tɣarast tar tiɣariwin, ar ittini mas ira ad iḥḍu iskar bdda izlan ns d tiɣnnijin xf ubrid n usgmi nna yumẓ sg dar tawja ns.
tadiskugṛafit
[ssnfl | Snfl asagm]| uṭṭun | azwl n tɣnnijt | asakud n ussufɣ |
|---|---|---|
| 1 | wayyiha | 2023 |
| 2 | aɣrab | 2023 |
| 3 | mayskar zzin | 2023 |
| 4 | ftan ussan | 2022 |
| 5 | aha yyaha | 2022 |
| 6 | amagus | 2021 |
| 7 | ad dik sawlɣ | 2021 |
| 8 | samḥaɣ ak (ttilifun igan ayfun) | 2021 |
| 9 | irɣudak | 2021 |
| 10 | i ṛbbi a lɛalim | 2020 |
| 11 | tayri ɣ iskraf | 2020 |
| 12 | arinas | 2019 |
| 13 | aɣ d irar ṛbbi | 2018 |
| 14 | ttilifun a ttilifun | 2017 |
| 15 | lbaz umlil | 2017 |
| 16 | glbi mjṛuḥ (ddarija) | 2017 |
| 17 | ar aɣ isgalla | 2016 |
| 18 | nkki bla kyyi | 2016 |
| 19 | jawbi iyyi a winu | 2015 |
| 20 | a sir a sslam inu | 2015 |
| 21 | asggʷas ambarki | 2015 |
| 22 | aḍu n unẓaṛ | 2015 |
| 23 | lḥuṛma n yan | 2015 |
| 24 | awid a lalla | 2015 |