Lḥsn Zahur

Iga Lḥsn Zahur (الحسن زهور, lahcen zaheur) amara d unfran amrruki, ilul g Imi n ugadir ɣ usggʷas 1958.

Yumẓ taslkint tamsdawt (licence) n irzzutn g taskla taɛṛabt, ɣ tasdawit n tskla d tmassanin tanafganin, Lqaḍi Ɛyyaḍ g Mṛṛakc, asggʷas n 1983.

Ig amslay g umaris n tzlɣa n tirra n imaratn s tmaziɣt.

Idlisn n umara

́Adlis n « Muzya » d iffɣn g usggʷas n 1994, tasiggzt ‘ssalam’ agadir. lli ismann kigan n taddminin timaziɣin.
Tullisin « Amussu n umalu » asufɣ n usggʷas n 2008, g tasiggzt ‘alqalam’, g ugadir.
Tullisin « Isggʷasn n tgrst » asufɣ n usggʷas n 2009, g tasiggzt ‘alqalam’ agadir.
Adlis « Ɛica mmu yiɣd » asggʷas n 2010, d issufɣ usinag agldan n tussna tamaziɣt.
Adlis « Aṛṣmiḍ » assuɣl n tawuri n ‘nikulay gugul’ asggʷas 2012.
Tullisin « Tayri d iẓilliḍ », asggʷas n 2014. g tasiggzt n ‘dar assalam’ ɣ ṛṛbaṭ, gant zɣ tẓṛigin n tzlɣa n tirra n imaratn s tmaziɣt, d tamdrawt d tmawast n tussna tamṛṛukit.
Adlis n « Umiyn d umiyn n Ayt Ndi » asggʷas n 2016, g tasiggzt n ‘dar assalam’ ɣ ṛṛbaṭ, iga zɣ tẓṛigin n tzlɣa n tirra n imaratn s tmaziɣt, d tamdrawt d tmawast n tussna tamṛṛukit.
Tullisin « Nkki macc urd nkki » asggʷas n 2018, g tasiggzt n n ayt mllul, gant zɣ tẓṛigin n tzlɣa n tirra n imaratn s tmaziɣt, d tamdrawt d tmawast n tussna tamṛṛukit.
Ungal « Aɣyul d uzgn » iffaɣd asggʷas n 2018, g tasiggzt n n ayt mllul, gant zɣ tẓṛigin n tzlɣa n tirra n imaratn s tmaziɣt, d tamdrawt d usinag agldan n tussna tamaziɣt.
Ungal « Taɣufi issnfd ubayyuṛ » asggʷas n 2020, g tasiggzt n n ayt mllul, iga zɣ tẓṛigin n tzlɣa n tirra n imaratn s tmaziɣt.
Adlis n ufran « Taskla tamaziɣt tamaynut g lmṛṛuk :talalit » g tasiggzt n n ayt mllul, iga zɣ tẓṛigin n tzlɣa n tirra n imaratn s tmaziɣt, d tmdrawt d usinag agldan n tussna tamaziɣt.

yara awd imagradn d iḍṛiṣn lli ittuẓṛagn ɣ :

Adlis « Irzzutn g tskla tamaziɣt tamaynut » iga zɣ tẓṛigin n tzlɣa n tirra n imaratn s tmaziɣt ɣ usggʷas n 2013.
Adlis « Tiɣuriwin f imaratn n ungal amaziɣ » iga zɣ tẓṛigin n tzlɣa n tirra n imaratn s tmaziɣt ɣ usggʷas n 2014.
Adlis « Ungal amaziɣ : talalit d unɣal » iga zɣ tẓṛigin n tzlɣa n tirra n imaratn s tmaziɣt ɣ usggʷas n 2014. d tamdrawt n tmawast n tussna tamṛṛukit.
Adlis « Tirra tallast s tmaziɣt : tannayin tanfranin » iga zɣ tẓṛigin n tzlɣa n tirra n imaratn s tmaziɣt ɣ usggʷas n 2016.
« Timdrin n wallas amaziɣ » lli d tssufɣ tamsmunt n tmaynut.
Tiẓṛigin g iɣmisn d tsɣunin inamurn, d kra n tsɣunin taɛṛabin ( tasɣunt rraqim taɛiraqit). d kra wansatn aliktṛunin inamurn s tɛṛabt.

Isaɣuln