Lbidq
Ism nns imdan iga t Bubkr Muḥmmad u Ɛli Aẓnag, ar as aqqran s Lbidq, iddr ɣ gr tasut tis mrawt d tis 11, ig yan inigi f tnkra n uwank n Imwaḥdin d usmun n Lmhdi u Tumrt ɣ udwal nns s tmazirt n Sus, imun dids ɣ twada nns d ur fllas ittyawssan kra iggutn amr is tt inn ikka ar iglli tasrdunt n u Tumrt (lli mi ismn Tamwimq). Ifl d Lbidq sin idlisn dar tlla yat tnafa bahra imqqurn ɣ wallas i mad izrin aylliɣ d inkr uwank n Imwḥdin[1].
Wanna iɣran idlisn n Lbidq, rad yaf is gisn ttubdarnt mnnawt tguriwin d ismawn d iwaliwn n Imwḥdiyn s Tmaziɣt, ɣaylli rad isisfiw uggar manmk ad tt inn tkka Tclḥit dɣ akud ann.
Ism n "Lbidq"
[ssnfl | Snfl asagm]Lbidq iga ɣar yan wassaɣ, macc ism as yadlli d Bubkr Muḥmmad u Ɛli, ittyawsmma s lbidq lli igan yat tguri d ikkan Taɛrabt, tasi nn anamk n umanar da immaln aɣaras i mddn ɣ umuddu. [2] (الدليل في السفر).
Imma ntta ikka d kra n twsit n iẓnagn, macc ur nit ifaw manta gisnt.