Lmkḥla (abckiḍ)

Amnni ur iṭṭifn taggayt Amnni ad ur iṭṭif taggayt. Zayd as kra n taggayt nna rad d dis yack, ad ur tettut ad tkkst talɣa ad akud nna as tt tzuydt. Ad ur tikṣuḍt! Tettusras tbrat ad bac ad tt tẓṛ trabbut n tnṭṭuft d uzzray n imnnitn. Ayad ur isnamk is tskrt kra n uzgal.

Anawn n Lmkḥla amɣribi

Lmkḥla tamɣribit (s darija: مكحلة) tga yan wanaw zɣ wanawn ibckiḍn n uqqṛyan tiqbuṛin, ar tssmras ɣ wansa n tsrdast gr tmiḍi tiss ṣḍis d mraw d tizwiri n tmiḍi tiss si mraw, ɣilad ar ttili ɣ igdudn n iyysan ittwassnn s "Ttbuṛida".

Mzaraynt tmitar d tmẓlay n "Lmkḥla" tamṛṛukit f matta tmnaḍṭ illan ɣ tgldit,d tɣarast n uhyya-nns ar ttiri kigan n uffulls.

Amazrar n uhyya

Ar ittili ɣ umazrar n uhyya n Lmkḥla tamṛṛukit kigan n tazzulin:

• Ayt iɣnba: nitni imhyyatn n iɣnbutn nna ttggan gis tifila n uzzal nna d-yuckan zɣ uruba, maka ad hyyun tiɣʷnba gr mitru d 1,8 mitru (iwbckiḍ) d tayṭ n anaw n 80 Sunitimtr i taymẓẓiyn, ilin-as ittsn id lftl n uzzal afad qqsḥnt.
• Izndayn: nitni gan imhyyatn n izndatn; anaw n bucfṛ, nna yttwassnn kigan, d wanaw n buḥbba nna ymslaɣn ɣ yat tftilt itbaqqayn. ikkatn Izndayn ar ssnfaln ɣ izndatn nna ɣ ttggan urɣ d wanas d nnqqrt.
• Inmazaln n uzyyn: kigan gisn iga zɣ udayn imṛṛukiyn nna yssnn i wzyyn n ibckiḍn d ifassn-nns, s tɣarast n ugr n wurɣ d nnqqrt d idrimn, d kkan-tt-nn ar ssmrasn s isufar zund ikʷccaḍ d lɛaj.

Tamamknt n tamguri

Lmkḥla s talɣa nns tamaynut ad t igan d ttbuṛiḍa

D inmazaln n wassa na yssnn i tazzulin ad s kṛaṭ ɣ yat tizi zɣ tasɣnbut d taznadt d uzyyn imk-i-nna aɣ-inna yan unmazal:

Da nzggur s '' tɣnbut n wuzzal '' tabldiyt nɣdd taṛumiyt, ɣ uḥanu n wafa "lkanun" afad as nfk talɣa-nna nra, dfir ar yttddu unmazal s tikli n ''taznadt '' nna yzrrin ula nttat ɣ kigan n tikliwin f igzzumn nna gis illan, tga-tt ''Tɣzdist'' imẓiyn d imqqurn d ''Awririy'' idd tikli n ''ukccuḍ'' (tikli n uzyyn) ar nttiri akccuḍ ad ig zɣ usklu n ''Tswik'', ṭaṛas ar inxṛ umhyyu taklalt n ubckiḍ s yan ucaquṛ imẓẓiyn ''lkaduma'' i smsilt afad ad yasy talɣa tamggarut n ''Lmkḥla'' (tabckiḍt) imk-nna s t-nssn.

Tiwlafin

• 
  Muxalas
• 
  Amnay iṭṭafn uqqṛyan
• 
  Aɛṣkṛi amuri
• 
  Tawlaft n rrasm