Hann !!! Amgrad ad ixcn ur gis iffuɣ umya ! Llant ukan sul gis tguriwin tuṛḍilin zzɣ kra n tutlayt yaḍnin d/nɣ ur ittyara s tclḥiyt, tḍfurt nit sul twwuri iggutn. Ɣrat aslgn n Wikipidya taclḥiyt bac ad trmsm uggar. Mad igan afssay? iqqan d ad igiddi, ttyukksnt zgis tguriwin turḍilin, d ad ttyusbadlnt s tguriwin timaziɣin
Masinisa nɣ Masnsn iga yan ugllid amaziɣ, ig agllid amzwaru n tgldit n Numidya. Ɣ umzwaru iga anssixf n tfidiralit n tqbilit timasiliyin. Dffir n uqṛyan abuniqi wiss sin, isman imasiliyn d imasisiliyn ɣ yat tgldit, tin Numidya. Ilul ɣ -238 immt ɣ -148.
Masinisa iga agllid imqquran g umzruy amaziɣ . ilul g usggʷas n 238 dat n tlalit n lmasiḥ , g tgldit n masin. Iga yadlli argaz idusn. ar ittmaɣ f tmazirt nns ar tigira n tudrt nns. ittwassan s tnka n iysan d ufrag d tayri n tmazirt nns.umi yumz tanbaḍt , yufa masinissa kigan n tmnaḍin n tmazirt nns g ifassn n umddurruy n iruminiyn d iqrtajn. ɛwarin n wattas n imnɣan , ismun timnaḍin ad, ismunt ntn ɣ yat tgldit taxatart. isɣuda masinissa tudrt n ugdud nns. isbuɣla tadamsa n tgldit nns s ussimɣr n ufars n imndi d uzatim d idqqi. issugt inyalkamn imzzizayn akd tmizar yaḍn. anaruz n masinissa: tilelli d tamunt n ifriqya n yizzlmḍ. llig immut g usgg°as 148 bra n uzmz n ɛisa, iskr as agdud ns yan usmḍl imqqurn g tmnadt n yiɣrm n qsstantin. da ttinin ittwassn masinissa amzwaru s wawal nns: <<tafriqt n ifriqiyn>>
Masinisa iga iws n umɣar Gaya lli yumẓn taqbilt n imasiliyn (Massylii s tlatint). Inkr ɣ tmazirt Qaṛṭaj lli ibddn d babas Gaya. Ɣ umzwaru n uqryan abuniqi wiss sin, Masinisa yiws Qaṛṭaj ɣ imiɣ nns d Ṣifaqs agllid n imasisiliyn lli yumẓn tagut n Numidya (Dzayr ɣilad). Ṣifaqs yiws yadlli i iṛumiyn. Yumẓ Masinisa yat tsrdast n inumidiyn, nttat d kra n taggalin n twisi zɣ Qaṛṭaj. Awtay n Masinisa ur izri 17 n usggʷas lliɣ idru ɣ uqryan ad, irnu tasrdast n Ṣifaqs ɣ usggʷas n -212. Itahl illis n ujiniral aqṛṭaj Ṣadṛ Baɛl.
Masinisa
