Muḥmmad Lmsɛudi
lmsɛudi muḥmmad amara d umdyaz amrruki, ilul g usggʷas n 1991 ɣ udwwaṛ n umdiɣr g tsga n tɣiwant n tmzgadiwin, illan g tqbilt n ilbnsirn tasga n imi n tanut, cicawa.
ig asdawi ɣ tmassanin tasusyulujiyin g tsdawit n ibn zuhr g ugadir.
tismɣurin
[ssnfl | Snfl asagm]yura sa n idlisn s tutlayt tamaziɣt, d kigan n imgrad ɣzzifnin g wikibidya tamaziɣt, yumẓ kigan n tsmɣurin tinamurin.
- yumẓ tasmɣurt n tbadut duzim ɣ usggʷas n 2012, ɣ tskla n iɛrrimn.
- yumẓ tasmɣurt n tzlɣa n tirra n imaratn s tmaziɣt ɣ usggʷas n 2019.
- yumẓ tasmɣurt n tussna tamaziɣt n usinag agldan n tussna tamaziɣt asggʷas n 2020.
- yumẓ tasmɣurt n tamaziɣt n wikibidya tamdrawt lli tssufɣ tkadimit n tgldit n lmɣrib asggʷas n 2022.
idlisn
[ssnfl | Snfl asagm]idlisn lli yura umara amaziɣ lmsɛudi muḥmmad:
- adlis n tmzgunt - taydrt n uswingm - d iffɣ nn ɣ usggʷas n 2019, tssufɣ t id tzlɣa n tirra n imaratn s tmaziɣt. lli yumẓn tasmɣurt n tskla tamaziɣt n usinag agldan n tussna tamaziɣt, ɣ usggʷas n 2020, ɣ anaw n tskla n umẓyan.
- adlis n tullisin timaziɣin igzzuln - ixf n ungi - d iffɣ nn ɣ usggʷas n 2021, issufɣ t id usinag agldan n tussna tamaziɣt, isman 18 n tullist tamaziɣt bḍan t awal f kigan n untimn imaynutn.
- adlis n tmdyazin - amwan n wawal - iffɣ d ɣ usggʷas n 2015, yumẓ tasmɣurt n tbadut tis snat n usnflul n tskla n iɛrrimn ɣ usggʷas n 2013. isman kigan n tmdyazin isawaln f kṛaḍ wantimn : tamagit - tudrt - tayri.