Munṣif Sslawi
Munṣif Sslawi | |
---|---|
Tudrt | |
Talalit | Agadir, 22 Yulyu 1959 (64 n isggʷasn) |
Taɣlant |
Lmɣrib Biljik |
Tazduɣt | Tigmmi Tumlilt |
Tiɣri | |
Alma mater |
International Institute for Management Development 1998) maîtrise en administration des affaires lycée Mohammed-V baccalauréat scientifique École de médecine de l'Université Tufts postdoctorat Harvard Medical School postdoctorat Université Libre de Bruxelles (1976 - 1983) doctorat : biologie moléculaire, Affal |
Thesis director | Jacques Urbain |
Tutlayin |
Taɛrabt Taglizit Tafransist |
Tawuri | |
Tawuri | amnadi d immunologiste |
Imɛllmn |
Université de Mons GSK (1988 - 2017) Fondation du Qatar (2009 - 2020) International AIDS Vaccine Initiative (2015 - 2017) Galvani Bioelectronics (2016 - Moderna (2017 - 2020) Intellia (24 Yulyu 2017 - 9 Ɣuct 2017) Lonza Group (Yebrir 2020 - 17 Mayyu 2020) |
Altaɣ | Operation Warp Speed |
Munṣif Sslawi (s tnglizt Moncef Slawi) zzɣ tarwa n 27 yulyu 1959 Agadir, iga amuzay amṛṛuki amarikani ɣ tmguri n isafarn, iddr ɣ iwankn imarikann imunn d unmhal izwarn n tdala n tgzzayin ɣ tmssurt n Glaksu Smit Klayn (GSK). Iswuri ɣ tmssurt tizi n kṛamraw n usggʷas, yanf ɣ usggʷas n 2017. Ɣ 15 mayu 2020, ittusḍṛeṛ mas d Sslawi rad iswuddu asnfli n tgzzayt n waṭṭan n unfafad n Kuṛuna ɣ iwankn imarikann imunn, ikcm ustay nns g tzzigzt ittusmman 'Warp Speed' i usmmri n immirn n usnfli n tgzzayt zzɣ Wacinṭun[1].
Umlan udmawann[ssnfl | Snfl asagm]
Talalit : 22 yulyu 1959 ɣ ugadir
Tazduɣt: tigmmi tumlilt
Tamuri: Bljika
Agmam ɣ: tazzigzt n tmmri tanafllat
Uṭṭun n tarwa: 3
Tudrt tawurayt[ssnfl | Snfl asagm]
Tinml taymmat: tasdawit n Bruksil tilellit (aẓlay: tasnudrt tanctiwt d tagaẓt) (tugga: tadukṭuṛt) (1976-1983), tinml n tsnijjit Harfard (tugga: postdoctoral degree), tasdawit n Muḥmmad wiss smmus (tugga: abakk n tussna)
Amswuri ɣ: Glasyu Smit Klayn (GSK), Mudirna, timrslt n Qaṭaṛ
Tasknudrt nns[ssnfl | Snfl asagm]
Ilul Sslawi ɣ umṛṛuk iɣr gis ar abakk, ɣ wawtay n 17 n usggʷas ifl amṛṛuk immuddu s Fṛanṣa ad iɣr tasnijjit, macc izdɣ ɣ Biljikka lli ɣ iɣra tasnudrt tanctiwt, yamẓ tadukṭuṛt ɣ tagaẓt. Izdɣ ɣ Biljikka tizi n 27 n usggʷas, itahl tasmunt nns lli tt inn ikkan ar tga tamrzut d tamuzayt ɣ infafadn, d nttat ad yufan tagzzayt i yan unfafad d yuggan ɣ isggʷasn n id tamraw lli iẓḍmn f izgarn d irwas anfafad n wassar n tagaẓt dar ufgan. Ifl Munṣif Sslawi Biljikka imun d tmɣart nns s iwankn imunn ilmma ig aslmad ɣ tsdawit n Harfard, ɣ tizi n 15 n usggʷas, idra ɣ tifit n tugtt n tgzzayin n tasngaẓt zun d Lmalaṛya, amanḍas n umggṛḍ n usirw, tikrknnayin n turin d tiyyaḍ [2].
Ittustay ad ig amaɣlaf f tdala n urzzu d usnfli ɣ tmssurt n Glaksu Smit Klayn (GSK), ilkm tiyafutin tizalanin, lli ɣ d tffɣ tgrumma lli yuman 24 n usafar d tgzzayt imaynutn gr 2011 d 2016 i infafadn bahra innflin, tmsasa fllasn tmssugurt tamarikant n umtcu d isafarn s talɣa tamaddadt, imurs ula ɣ usizdr n tmsastlt s ugtamur n 40%. Ɣ usggʷas n 2017, d ḍaṛat n twada tussnant iɣzzifn d imursn, iɣts Sslawi ad iggawr ifl adɣar i tasut tamaynut n iɛrrimn imrzutn [3].
Yiws s udraw d tmssurt Firili (Verily) iẓlin s tsnudrt d igan ifittu n Gugl (Google), ɣ usnfar n tkni n ingrawn ilikṭṛuniyn mẓẓyn igan i wuẓu lli rad ittusmras ɣ ussɣti n inttawn izlmann irmagnutn d ur ittussudsn, ttusmman s isafarn imẓẓaṛuṛn [4].
Iɣalafn nns[ssnfl | Snfl asagm]
- Amawas ɣ tsngaẓt dar Glasyu Smit Klayn (GSK)
- Anssiɣf n usqqamu n tmssugurt n tgzzayin ɣ tmssurt n Glasyu Smit Klayn (GSK)
- Amaɣlaf f tɣlift n usnfli n tgzzayt n Kufid-19 ɣ tsqqimt tamassant ɣ Marikan.
- Agmam ɣ usqqamu n inflas n tsdawit Ḥamd bn Xalifa.
Abayyuṛ n Kufid-19[ssnfl | Snfl asagm]
Ɣ 15 mayyu, issuḍṛeṛ unssiɣf Ḍunalḍ Tṛamp f tzzigzt n Warp Speed s talɣa tamaddadt, lli igan asnfar n usnfli d tikki n 300 n umlyun n tugmimt n tgzzayt n waṭṭan n unfafad n Kuṛuna ɣ usggʷas n 2019 s ulkam n yanayr 2021. Tettuswudda tzzigzt n Warp Speed zzɣ unmɣur imawasn n taddart tumlilt Garid Kucnr s usnal zzɣ tmawast tamarikant n umzaɣ d tmawast n tdusi d tnafutin tinfganin ɣ iwankn imunn. Ittustay Sslawi lli innan mas d tizi n 12 ar 18 n wayyur rad tmru macc nẓḍar ad nlkm, iswuri d imaɣlafn inmɣurn n tzzigzin d ujiniṛal Gustaf Birna. Afad ad yanf i unnzri n tnafutin, iffɣ Sslawi zzɣ udɣar nns ɣ usqqamu n tmssugurt n tmssurt n tadruknulujit Mudiṛna d usɣim nns Masatcustis, lli tt inn ikkan ar tsnfliy tagzzayt n unfafad n Kuṛuna. Yuma Sslawi ɣ isqquma n tmssugurt n tmssurt n Stṛufaks, d tmaddast n usnflul ɣ yigr n tdruknulujit, d twisi tamaḍlant n tgzzayt n Idz, d tmrslt n Firma (PhRMA).
Assikz[ssnfl | Snfl asagm]
Tfka tɣiwant n Jitisbirg i Sslawi taskʷflt n tadukṭuṛt n uburz ɣ tussnawin ɣ Mayyu 2017. Ɣ usggʷas n 2012, ittustay Sslawi d 25 n mddn yaḍn s mas gan id bu tzrirt mqqurn ɣ yigr n tdrusafart zzɣ Firsbyutik. Ɣ usggʷas 2016, tssisml t tsɣunt Furtcn ɣ 50 n imzwarn ikswatn ɣ umaḍal. Ikcm umskn n isafarn Sslawi ɣ tlgamt n 100 n umskn amufay n isafarn ɣ umaḍal ɣ usggʷas 2018.
Isaɣuln[ssnfl | Snfl asagm]
- ↑ (Taɛrabt) ترامب يعوّل على خبرة السلاوي لإيجاد لقاح ضد فيروس "كورونا". Hispriss. Ɛabdṛṛaḥim Lɛsri. 15 Mayyu 2020.
- ↑ (Taɛrabt) منصف السلاوي. بروفيسور مغربي ضمن لجنة طبية أمريكية لإيجاد لقاح لفيروس كورونا Ṛacid Zzburi. Le12. 28 Maṛṣ 2020. Ittuẓṛa ɣ 4 Mayyu 2023.
- ↑ (Taɛrabt) أمريكا تستعين ببروفيسور مغربي لإيجاد لقاح كورونا و الأخير يقترب من الهدف Yasin Dḍmiṛi. Hibapriss. 27 Maṛṣ 2020. Ittuẓṛa ɣ 4 Mayyu 2023.
- ↑ (Taɛrabt) جلاكسو و فيرلي يوحدون قواهم لقرصنة جهازك العصبي . Scientificsaudi. 11-09-2016. Ittuẓṛa ɣ 4 Mayyu 2023.