Ryyu Di Janirru
Ryyu Di Janirru niɣ d ɣar Ryyu (Rio De Janeiro) tga yat tmdint ɣ Ubṛaẓil d tis snat n tmdinin ɣ timmuɣra nns, a ɣar Saw Pawlu ka ad tt issurfn ɣ wuṭṭun n mddn.[1] Tili ɣ iffus agmmuḍ n tmazirt ann, Tg yat ssɣ tmdinin akkʷ fulkinin ɣ ddunit, tilit nns ɣ gr idrarn d taganin nnsn ɣ yat tsga d yill n ugaru Aṭlanṭi ɣ tsga yaḍni, amlal imlluln nns ula tayniwin attuynin ar akkan i tɣrmt-ad yat tamuɣlit bahra ifjjijn, ur as tt ittkkis tuggt n utaras da gis illan.[1]
Tettyawssan tmdint s yan unmuggar mqqurn ar as ttinin "Kanival" ar ittkka kkuẓ n wussan, d ar ittili ɣ tizi n talddrar, tettyawssan daɣ s udrar n lqalb n ṣṣkaṛ (Sugarloaf Mountain) lliɣ illa ɣ uflla nns yan usfris n lmasiḥ s iɣalln nnuṛẓmnin d ittaggʷan s tmdint.[1]
Ism[ssnfl | Snfl asagm]
Ryyu Di Janirru ikka d Tabrtqizit "Rio de Janeiro" lli dar illa unamk n "Wasif n Yinnayr".