Sanbitrsburg

Sanfitrsburg niɣ d Sanbitrsburg (S Trusit: Санкт-Петербург, s tnglizt: Saint Petersburg) tiɣrmt tis snat ɣ Rusya ɣ mad ittyagaln s wuṭṭun n imzdaɣn, tiɣrdin n tmaẓunt n tmazirt Muṣku, tkka tt inn ttyawsmma s mnnaw ismawn zun d Fiṭṛugrad (Петроград) gr 1914 d 1924 d Liningrad (Ленинград) gr 1924 d 1999 ɣ ukttay n Linin, ixf n umussu Ablcubi, ur ta d turri s ism nns n ɣilad, Sanfitrsburg s ibrgmma nns cṛmḍnin d tsnniɣin nns tga yat tnila ilan yat tsillit bahra ifulkin ɣ umaḍal.

Asarag n San Isḥaq

Tettyawbna tɣrmt ad ɣ usggʷas n 1703, ɣ uzmz n uqayẓaṛ Byir amzwaru afad ad tg tamaẓunt tamaynut n Rusya ɣ uwttas nns ad iwala Urubba tutrimt, d ar ittini yan umiy, is tt inn ikka uqayẓaṛ ad ar ittwarga ad irar Sanfitrsburg tg tanggut n tɣrmt n Binizya da illan ɣ iṭalyan, ur d ad tg Sanfitrsburg Binizya n Rusya, macc ad tg Binizya Sanfitrsburg n iṭalyan.

Ɣ irni n ma izrin, tga tɣrmt ad tamaẓunt n tmnukda Tarusyant sɣ 1712 ar 1918.

Tiwlafin

• 
  Saint Isaac's Cathedral
• 
• 
  Saint Petersburg. Neva River
• 
• 
  Peterhof Palace