Saski

Saski
Tudrt
Taɣlnt	Pays du Feu
Tawja
Baba-s	Fugaku Uchiha
Inna-s	Mikoto Uchiha
Itahl d	Sakura Haruno
Arraw nns	view Sarada Uchiha
Aytmas d isstmas	view Itachi Uchiha
Taqbilt	Clan Uchiwa
Iselmaden	Kakashi Hatake Orochimaru
Tawuri
Tawuri	épéiste, ninja de fiction d ninja
Altaɣ	Team Kakashi

Ilul Saski nɣ s wassaɣ ns ikmmln Saski Utciha g udwwar n Kunuha , d g wakud llig akkʷ ur issin Naṛutu imarawn nns , Saski g tizwiri n tmẓi nns iddr d imarawn nns d umas Itaci , da t bahra ttirin mqqar as t ur nnin s tɣarast tusridt, Saski Utciha iga seg udrum(lɛacira) n Utciha lli iẓlin s tilit n tiṭṭawin n Caringan , llig ikcem Takadimit n Ninja da ittmun d uma-s s tagant afad ad ttluɣmun ɣef tɣawsiwin lli ittelmad g tkadimit zun d mamek s da issakay Ccurikin , maca idrus ma g da di-s ittmun uma-s acku dar-s tiwuriwin yaḍen , da t bahra ttirint tazzanin lli di-s yaqqran slawan akkʷ Sakra , g unemgal ur d di-s imcacka Naṛutu acku gi-s tusmin maɣef Saski da t akkʷ ttirint d netta ur tt gi-s yiwi yan (da t-tettiri Hinata maca ur tt gi-s yiwi) , iga Saski yan urba iɣisen aṭṭas g temẓi-nnes d iga tagidda n Naṛutu g wawtay , da ittemwat afad ad imel i baba-s mas iga zun d uma-s g ufukkes , ifejjij g tudert-nnes ar yan wass lli rad issenfel tudert-nnes timiḍi d tamraw n tsekfelt , llig imun d uɣaras s tgemmi g yiḍ iẓra ayt udrum-nnes akkʷ mmuten yazzel nit s tgemmi-nnsen yaf-nn imarawen-nnes mmuten awed nettni d mayd t-iẓẓman aha isker-as abray uggar iga-t llig issen mas d uma-s Itaci lli bahra ittiri ayd ten-inɣan , ikka-tt-inn rad immet awed netta mra is ur iburez dar Itaci, inna-as uma-s ksen-i aha giḍ fellat-i d kudenna tdused acek-d dar-i tenɣed-i , iẓma iḍer s wakal llig t-issekcem Itaci s yat twargit s ussemres n Caringan , iduy-d yaf iɣef-nnes g usegnaf , seg wakud-ann ad ɣur-s taswingemt n ad ineɣ uma-s Itaci d afad ad tt-issidet iqqan d zwar ad issdus iɣef-nnes , immaqqar netta d Naṛutu d Sakra g trabbut tiss sa gin inelmaden n Kakaci Hataki , ilemma ar fettun s teɣlifin lli asen-ittufkan amm tirubba yaḍen, llig ilkem irim n Tcunin mmaqqaren d iwriken lli idran g yirim slawan akkʷ Uṛutcimaṛu lli iqqsen Saski g umeggreḍ llig di-s mmaɣen afad ad asen ur ikkes yan warra lli di-sen usin , tiqqist-ann tfel yat tmatart g umeggreḍ n Saski isem-nnes tamatart n tagat, g tgira n yirim n Tcunin ssrewlen ineḍfaren n Uṛutcimaṛu Saski seg udewwar n Kunuha d awed netta imun di-sen acku ira adwas n Uṛutcimaṛu afad ad ineɣ uma-s , ilkem sul dar Uṛutcimaṛu meqqar sekren imeddukkal-nnes unect lli mi zemren afad ad t-id-raren slawan akkʷ Naṛutu , ilemma ig anelmad n Uṛutcimaṛu, iwattes ad issdus iɣef-nnes ard ilkem wass lli g rad immaqqar d uma-s Itaci Utciha .

Ḍart n sin iseggʷasen n ulaɣmu ger ifassen n Uṛutcimaṛu, ismutteg Saski tarabbut-nnes llig zwar inɣa Uṛutcimaṛu acku ur d di-s imcacka g uswingem, netta d Swiygitsu d Jugu d Karin gan tarabbut afad ad nɣin Itaci uma-s n Saski, inɣa-t sul Saski g yan yimiɣ amekruẓ, ukan immaqqar d Ubitu yan seg udrum-nnes yales-as ɣef mayd d maɣef allig isker Itaci ayelli isker, ilemma ikcem netta d trabbut-nnes s Akateski awsen-asen g usmuni n Ibijuten, mmaɣen d yan seg udewwar n imedla ig asmun n uraykagi amɣar n udewwar-ann, llig lekmen ineɣmisen Araykagi yuzen kraḍ icinubiyen s udewwar n Kunuha d g wakud-ann ufan-inn amɣar n Akateski Pain irdel-t, ibedd uhukagi amaynu Danzu acku ɣalen is temmut Tsunadi Ahukagi wiss semmus, inna-asen Danzu nɣat Saski, sekren Ikagiten yan unmuqqar grat-sen ɣef umukris n Ibijuten lli tesmuna trabbut n Akateski, g wakud-ad tlul ɣur Saski taswingemt n ad irdel adewwar n Kunuha llig issen mas d Danzu ayd isergen i mayd isker Itaci, netta d Ubitu ẓeḍmen ɣef unmuqqar n Ikagiten ssnekren amgaru wiss kkuẓ n icinubiyen, aɣulen nit s udɣar-nnsen ḍart n yimiɣ d ikagiten slawan akkʷ Danzu lli inɣa Saski, ar ttmuttugen i umgaru, d ad ur ttuɣ ad awen-iniɣ mas d agezzum-a da isawal ɣef ugezzum wiss sin n Naṛutu s yisem n Cibudin (Shippuden), issenfel Saski tiṭṭawin-nnes s tin uma-s Itaci acku dusent kigan d acku tinnes ṛmint, jjint ukan wallen-nnes inker nit iddu s umgaru, immaqqar Saski d uma-s g umgaru netta d Kabutu lli t-id-iruren s tudert s idutinsi, yales-as sul ɣef umezruy-nnes llig zwar rnan Kabutu, yucka-d dar-s Swiygitsu d Jugu lli as-yiwsen g ad d-raren Uṛutcimaṛu s tudert seg tmatart n tagat lli ifel g tnelmadt-nnes, ruren-d Uṛutcimaṛu afad ad issuder kkuẓ ihukagiyen imezwura n Kunuha d rad ten-iseqsa Saski ɣef mayd asen-iga udewwar d watig-nnes, g tgira iɣtes sul ad imyawas d Naṛutu ad ssmaren amgaru, mmaqqaren netta d Naṛutu d ugerram n sḍis ibriden ifek-asen Cakra-nnes afad ad rnun Kaguya lli d-iffɣen seg Madara lli illan d Ubitu, reglen-tt-inn sul g wayyur, sgurun-tt s yimiɣ grat-sen allig ittubbay ufus i ku yan git-sen, tesselkem-ten Sakra s usegnaf g Kunuha, llig ijji Saski iffeɣ seg udewwar afad ad yari Kunuha seg beṛṛa-nnes d ad issfeḍ tiɣawsiwin ur ifulkin lli isker, g tgira yiwel s Sakra taru (tarew) Sarada Utciha, ar ɣi rad nekcem g tneqqist n tasut tamaynut s yisem n Buṛutu (Boruto).

• Tiṭṭ tamekẓayt: Rinigan