Sawraɣ
Sawraɣ (s tfransist: ictère) iga yat tmatart ɣ tmsnijjit lliɣ ar ittamẓ yilm d yilmc n tiṭṭ n kra n yan aklu awraɣ ɣ tyafut n wawwan n usqqul n ubilirubin ɣ yidammn lli igan yadlli yan iɣmi awraɣ lli d tṭṭay tasa ḍffiṛ n ulkay n yimuglubin.
Iga mad ittyawssan mas d Sawraɣ iga anmyur ɣ wussan zwarnin n tudrt, micc iqqan ad ur yili ɣ 24 n tsragt tamzwarut f tlalit d ad ur ikki mad issurfn assf wis mraw n tudrt, bla ɣik ann rad ilmma nsawl f kra igan d tamaḍunt. Imma dar mddn mqqurnin sawraɣ iga bdda yat tmatart f kra n waṭṭan intln ilazm ad ittyawssan amntil lli illan ɣ tɣrdin nns.
Sawraɣ ar ittgga amttyawmnad kiɣ issurf usqqul nns ɣ idammn mad ittggan 2 ar 3 mg/dL[1].
Tasnmaḍunt[ssnfl | Snfl asagm]
Kud lliɣ ar ttmttatnt tknunnay tizggʷaɣin ɣ uswir n yinṛfḍn ar sdrfaynt yat tɣawsa lli mi ism imuglubin lli mi takka talkayt nns tanga n ubilirubin ur iftin igan imirin i wallɣf n ufgan, tanga ad ar ilmma tzddi d yan uprutiyyn ittbirign ɣ idammn ism as Albumin d nttan ad t inn ittawin ar tasa igan adɣar lliɣ rad izri ubilirubin ad ɣ yat tumant ittyawssann s usfti, fad ɣ akud ann ad imun d yiwriɣ ɣ yiqudas n tasa, ittcarja ɣ yiẓi ard ukan daɣ iffi ɣ wadan ɣ llan ibaktiriyyn lli rad smiṭabulizin abilirubin s ubẓḍubilirubin kra gis rad ismd aɣaras nns s ufuɣ, d kra yaḍni rad daɣ yurri s idammn, iffi nn d waman ɣ ibẓḍan.
Amukris nna yaɣn tawrarayt ad rad ig asrag ɣ tumant n sawraɣ f tɣssa n yan.