Talɣa:Aggur:Amzruy/Anɣmis
Tamɣra tga yat tafugla nna d skarn middn fad ad slkmn i wiyyaḍ mas sin id ufgan afrux d tafruxt nɣ argaz d tmɣarn munn d ingratsn d is tahln.
Tga tmeɣra asatur lli izdin ngr snat tfrkiwin ɣ tudert n ufgan. Tamzwarut illa gis yan d ayt dars ur fllas tlli awd kra n tamasayt, iɣ izri s tiss snat tfrkiwin ar fllas tettili tmasayt ad iskr tawja nns lli srs iẓlin.
Iɣ nessen mas d kraygat afgan dars taɣarast nns lli s ar izzray tamɣra, afgan amaziɣ ula nttan dars mnnawt tmyurin ar tnt iskar ɣ wussan n tmɣra.
Iɣ nra ad nn naggʷ s tmyurin ad, irad d nasi s umdya « Tamɣra ɣ Ict » yan uḍwwar ɣ iḍuran n unẓul n Lmɣrib lli sul yumẓn tawssna tamaziɣt ɣ iẓuṛan.
Irad nbder tiferkiwin lli s ar tzzray tmɣra ɣ Ict zɣ iɣ tssnti ar iɣ thiyya.