Tasnniɣt n Lufr
Tga tsnniɣt n Lufr (s tfransist: Musée du Louvre) yan ɣ wansatn bahra ttawssannin ɣ fṛanṣa, ar t id twatasn imallayn n umaḍal akkʷ ( 7 800 000 n unrzuf ɣ 2022).
Tlla tsnniɣt ɣ usuk n "Rivuli" ɣ tɣrmt n bariz, ikk tt inn iga yadlli ibrgmmi n kra n ugllid ɣ igldan n fṛanṣa .
iggut mad izrin f tuṣka ad bahra ixatrn, igutnt tdyanin gis issarn zg 1187 lliɣ bḥra ittawṣka, ar 1793 lliɣ ṛẓmnt tggura nns i ugdud tiklit tamzwarut, ilmma ig asalay imqquṛn. asayrar n ibrgmmi n "louvre" gis 360 000 m² asalay s isaragn nns d iɣgʷmmin gis 72 735 m², yuma "louvre" mad itggan 36 000 n tnafutin tiqburin walanin i tɣrma tanfgant, zud tin miṣṛa d ṛruman d lfuṛṣ d liɣriq d lislam d tugtt n tɣrmiwin yaḍnin.
Iɣ tkcmt s tsnniɣt n "louvre" ar tlulluyt ɣ isaragn nns d iɣgʷmmin nns ar tettɣalt is ar taqrat kra n udlis n umzruy, d is taɣult s izmaz iqburn, tddrt nn gisn.
immra ad tsmdt arzaf nnk i usalay ɣ 2 tsragin d 3 d 4, acku immuzza bahra, igutnt tnafutin gis ittawfsarn.
.jpg)
ar gis ttnzifliln midn s timmaḍ, ar aqqlayn, ar tgguzn d iskʷfal, maca tanafut akkʷ bahra tn issusamn ar tɣawaln ad tt ẓṛin tga tt Ljukanḍa (la Joconde) yusin tawlaft n Muna Liza (Lisa Gherardini) , iskr tt unaẓuṛ aṭalyani Lyunarḍu Davintci (Leonard de Vinci) ɣ 1503, tili ɣ Lufr zg 1797. Tmẓẓi tflwit nns, gis 77 cm / 53 cm , mac atig nns ixatr bahra. ittawẓlay as yan usarag ifulkin, ilint fllas tiḍaf.
iggut wawal f usalay n Lufr d tumayt nns. yan d ikkan fṛanṣa ur t id ikki zun d ur ikki mani.