Tasnurayt tamɣribit n tẓḍaṛt tasulant
| Asakud n ussrsl nɣ isllwi | 18 Mars 2010  |
|---|---|
| Tamazirt | Lmɣrib |
| Forme juridique | société anonyme |
| Siège | Rbat |
| Asit amaddud | http://www.masen.ma |
Tasnurayt tamɣribit n taẓḍaṛt tasulant (s taɛrabt: الوكالة المغربية للطاقة المستدامة, s tafransist: Agence marocaine pour l'énergie durable, s tanglizt: Moroccan Agency for Sustainable Energy, s usgzl: MASEN) tga yat tamssurt tagdudan tlla ɣ tmazirt n Lmɣrib, tbda ɣ usggʷas n 2010, d nttat ad yusin tamstggart n uswuddu n yigr n tiẓḍaṛin ittusmaynun ɣ tmazirt. Tra tasnurayt tamɣribit n taẓḍaṛt tasulant ad tskr usbuɣlu n iẓgʷran nna tumẓ bac ad tslkm anjjm n ufars n tifawt nɣd ḍḍuw s 3000 migawaṭ ɣ usggʷas n 2020 d 6000 migawaṭ ɣ usggʷas n 2030. Awttas n mayad iga t abzar ɣ urzzu n uwttas n tmazirt ad t igan d tsɣli tigmiḍi n tiẓḍaṛin ittusmaynun ar 52% n taẓḍaṛt lli d ittṣyab Lmɣrib dat ad tlkm 2030. Twala tamssurt n tasnurayt tamɣribit n taẓḍaṛt tasulant i tamawast n tẓḍaṛt d izuɣaz d uwnaḍ.[1][2][3]
Timskirin
[ssnfl | Snfl asagm]Timskirin n tasnurayt tamɣribit n taẓḍaṛt tasulant gan tn:[4]
- Asbuɣlu n isukan d tiẓḍaṛin ittusmaynun lli illan ɣ Lmɣrib.
- Abzar d ufṛṛu d usḥdudi d usbuɣlu n yat tussna ɣ tmazirt ɣ yigr n tiẓḍaṛin ittusmaynun.
- Aɛddl idɣarn nna ɣ llan isras n tiẓḍaṛin ittusmaynun d ubzar n tigmi n idɣarn ann ɣ igran n wamun d tadamsa d uwnaḍ.
Tamssugurt
[ssnfl | Snfl asagm]Talgamt n inmhaln lli tn ikkan ɣ yixf n tasnurayt tamɣribit n taẓḍaṛt tasulant:[5]
| Anmhal | Isggʷasn |
|---|---|
| Muṣṭafa Bukri | 2010 - Ar ɣassa |
Tisuɣal
[ssnfl | Snfl asagm]- ↑ Umlan f Tasnurayt tamɣribit n taẓḍaṛt tasulant - Asml amaddud
- ↑ الوكالة المغربية للطاقات المتجددة قاطرة النهوض بالطاقات المتجددة بالمملكة - Mapecology.ma
- ↑ المغرب يتجه إلى الاعتماد على الطاقات المتجددة - Independentarabia.com
- ↑ Timskirin d iwttasn n tasnurayt tamɣribit n taẓḍaṛt tasulant - Asml amaddud
- ↑ Tamssugurt n tasnurayt tamɣribit n taẓḍaṛt tasulant - Asml amaddud