Tattuyt n uṭṭun n imallayn nnad udfnin s lmɣrib s 6 g tmiḍi sg innayr ar abril 2019

   tigmmi tumlilt /10 yunyu 2019 . ilkm uṭṭun  n imallayn nna nn kkanin lmɣrib gr  innayr ar abril 2019 mad ittggan 3.6 mlyun n umallay ,s ubuɣlu n 6 g tmiḍi g usmzazal d uzmz ad nit n usggʷas n 2018 ( abuɣlu n 5.3  g tmiḍi n imallayn  n bṛṛa d ubuɣlu n 7.8 n imɣribin n umaḍal. 
   inna usgraw n tmallayt g inaw nns amggaru f tsiḍan n tmallayt ɣ lmɣrib , masd igadazn nna ssfaɣnin imallayn izayd uṭṭun nnsn s mad d ittddun s lmɣrib n imallayn g uzmz ann nit,gisn timttiwin imunn s ubuɣlu n 14 g tmiḍi d iṭalya s  ubuɣlu n 13 g tmiḍi, tḍfṛ tt id fṛansa s ubuɣlu n 9 g tmiḍi, d sbbanya s ubuɣlu n 9 g tmiḍi awd nttat,d almanya s ubuɣlu n 8 g tmiḍi , d hulanḍa s ubuɣlu n 7 g tmiḍi,d bljikka s ubuɣlu n 5 g tmiḍi ,d tmtta imunn s ubuɣlu n 4 g tmiḍi . 
   inna daɣ usgraw sg aynna illan g tsiḍan n tzdduɣin timallayanin ,mas iga uṭṭun n waḍan n unsu nna zzrin imallayn g isnsutn nna lanin atig,tssn arnnu n 6 g tmiḍi g usmzazal d uzmz ann nit g usggʷas n 2018 . 
   issɣẓin usgraw masd tiɣrmin n wamur n wakuc d ugadir zmmimn waḥdatn mad ittggan 58 g tmiḍi g utuy n waḍan n unsu g kkuz yirn imzwura n usggas n 2019,inna masdd snat tɣrmin ad  buɣlant bahra s urnnu n mad ittggan 7 g tmiḍi i ku tiɣrmt . 
   mklli tzmmim tɣrmt n ṭanja yan urnnu ilan atig nna igan 10 g tmiḍi ,mk nna iga lḥal i tɣrmin n fas d ṛṛbaṭnna izaydn s 2 d 4 g tmiḍi,mk nna izmmim tɣrmt n tgmmi tumliltizdar n 1 g tmidi . 
   aynna izlin s wayyur n ibrir waḥdat iga uṭṭun n imallayn nna d iddan s iwtta n tmuṛt yan urnnu n 11.5 g tmiḍi g usmzazal d wayyur n ibrir n usggʷas n 2018 . 
   zmmimn igadazn idslann nna issufuɣn imallayn s lmɣrib yan urnnu bahra iḥlan,slawan tt akk° sbbanya d almanya d iṭalya,lliɣ trna s mad  ittggan 29 d 22 d 24 g tmiḍi mmdfaṛnin,tdfr tt id tmtta imunn d bljikka(11 d 18 g tmiḍi mmḍfaṛnin) , fṛansa s urnnu n 7 g tmiḍ, d tgldit imunn s urnnu n 7 g tmiḍi awd nttat , d hulanda s urnnu n 5 g tmidi . 

abdelouahed boumisser