Tamttiwin munnin

Tamaddast n Tmttiwin Imunn; Organisation des Nations unies (fr); United Nations (en); الأمم المتحدة (ar); 联合国 (zh); Организация Объединённых Наций (ru); Organización de las Naciones Unidas (es)
; Acnyal	; Tamatart
	tanfalit : « Amaḍal nnun aya »
	Takarḍa n Iwunak igmamn ɣ tmaddast n tmttiwin imunn
Tuṣka	24 ukṭubr 1945
Asɣim	Manhatn, Nyu Yurk (Iwunak Imun)
Anaw	Tamaddast tagrnbḍant
Tutlayin tunṣibin	Tanglizt; Taɛrabt; Tasblyunt; Tafṛansist; Tamandarint (tacinwit); Tarusit
Tadrimt	Biennal 2014-2015 : 5.5 mlyar dulaṛ awmrik
Igmamn	193 n iwunak
Iwigiyn	41 000 (2015)
Anflus amatay	Unṭunyu Gutiris
Aslway n Usqqim n ufra	Joanna Wronecka
Asqqim n ugraw amatay	Miroslav Lajcak
Asit n uwib	www.un.org

Amnni ad icqqa ad t tfhmt !
Amnni ad gis kra n iwaliwn nna ur iẓḍaṛ yan ad tn ifhm iɣ ur issin ɣ umawal iẓlin n tutlayt Taclḥiyt tatrart.
Mad igan afssay ? Fad ad tfhmt mad gis illan tzḍart ad tawst i yixf nnk s umawal lli illan ɣ izddar akkʷ n tasna. Iɣ t ur tufit, tzḍart ad nn taggʷt ɣ imawaln d isgzawaln.

Timttiwin Imunn (s tnglizt: United Nations) tga tamaddast tagraɣlant ittuṣkan 24 ukṭubr 1945 ɣ tɣrmt n San Fransisku tawmrikt ḍarat n umgaru amaḍlan wis sin, afad ad tssrṣu afra ɣ umaḍal. Ɣ tizwiri nns tumy ɣar 51 n iwunak igmamn, yili gis ɣilad 193. Asɣim nns amaddud illa ɣ Manhatn, Nyu Yurk, ilin dars isaritn yaḍn ɣ Junif, Nayrubi, d Fyina.

Zzɣ iwttasn imzwura n tmaddast; asḍrer n ufra d tlwit ɣ umaḍal^[4]. Asussn s izrfan ufgan d uḥṭṭu nnsn, assbɣs n tnfli tanamunt d tdmsant, aḥṭṭu n twnnaḍt, assujd n twisi i imadann ɣ idɣarn n imnɣan d twaɣitin tigamanin, assdus n umyawas agraɣlan, assdus n tuqniwin n tiddukla d tagmat gr tmura n umaḍal.^[5]

Tssilɣ tmaddast n tmttiwin imunn s sḍis ingmamn : Agrad amatay, Asqqim n ufra, Asqqim admsan d unamun, Asqqim n tmasnalt, Tasnbaḍt tagraɣlant n tɣdmt d tnflust tamatayt.

Llant sḍist tutlayin tunṣibin ɣ tmttiwin imunn : Tanglizt, taɛṛabt, tasblyunt, tafṛansist, tamandarint d trusit, mac ɣar tanglizt d tfṛansist ayd igan tutlayin n twuri.

Zzɣ usggʷas 2017, iga ubrtqqiz Unṭunyu Gutiris anflus amatay n tmttiwin imunn.

Amzruy

Dat 1945

Dat ad tili tmaddast n tmttiwin imunn, ttuskarnt tmaddasin tigraɣlanin yaḍnin afad ad ssrṣunt afra ɣ umaḍal, zun d tamunt tagrbṛlamant, tettusnulfa ɣ usggʷas 1889, d usira agraɣlan n ufra, ittuskar ɣ usggas 1891, nna yiwsn ɣ uskku n taszrft n ufrru unzig (taszrft n lahay) ɣ usggʷas 1899.^[6] Ḍaṛt n umgaru nnalnt tmaddasin ad akkʷ asnulfu n tmaddast tagraɣlant n twuri d tmaddit n tmttiwin.

Tettuska tmaddit n tmttiwin ɣ usggas 1919 s ussgmḍ n waɣan n firṣay : awttas nns iga t uḥḍḍu n ufra. Ar tswuri gr 1919 d 1939. Maca tiffulsa nns "tetturẓa" s umgaru amaḍlan wis sin. I ussntl n tzrrawt ad, d ussrsl n yan usayrar amaynu n umsawal agraɣlan, isumr uslway n Marikan frunklin ruzfilt ad tettuskir kra n tmaddast tagraɣlant tamaynut.

Ḍaṛt 1945

Tagzzumt ad txwa, ur gis illi umya. Aws ɣ tirra n tgzzumt ad! Manmk a rad skrɣ?

↑ (fr) Brrkat ɣ Tmttiwin Imunn, amaḍal nnun aya. asit unṣib n Tmttiwin Imunn. (ittuẓra ɣ 24 ɣuct 2015)
↑ Tadrimt n Timttiwin_Imunn
↑ (fr) Personnel des Nations unies.
↑ Tagṭṭumt tamzwarut www.un.org (ittuẓra ɣ 26 mayyu 2018)
↑ Amussu nnɣ www.un.org (ittuẓra ɣ 26 mayyu 2018)
↑ Amzruy n Tmttiwin_Imunn www.un.org (ittuẓra ɣ 26 mayyu 2018)

Tisaɣulin

[1] (fr) Brrkat ɣ Tmttiwin Imunn, amaḍal nnun aya. asit unṣib n Tmttiwin Imunn. (ittuẓra ɣ 24 ɣuct 2015)

[2] Tadrimt n Timttiwin_Imunn

[3] (fr) Personnel des Nations unies.

[4] Tagṭṭumt tamzwarut www.un.org (ittuẓra ɣ 26 mayyu 2018)

[5] Amussu nnɣ www.un.org (ittuẓra ɣ 26 mayyu 2018)

[6] Amzruy n Tmttiwin_Imunn www.un.org (ittuẓra ɣ 26 mayyu 2018)

[1]

[2]

[3]

[4]

[5]

[6]