Xiralda

Zɣ Wikipedia
Aller à la navigation Aller à la recherche
la xiralda ɣ 2012

Tga La Xiralda (s tkastiliyt : La Giralda) yat taṣṣumɛiyt bnan tt imaziɣn imuḥḥdiyn ngr 1184 d 1198, ɣ tmdint n Icbilya, ɣ Wandalus, ɣ uzmz n Yusf u ɛbd lmumn ; ɛbd lmumn lli igan asmun n utumrt ; utumrt lli igan amaziɣ lli d issufɣn taɣarast tamuḥḥdiyt ; taɣarast ad lli rad ifkn tanbaḍt akk° icddan ɣ umzruy n tmzɣa, d talli akk° imqqurn ɣ umzruy amaziɣ.

Imuḥḥdiyn nit ad ibnan tiṣṣumɛay yaḍnin rwasnt ɣtad, zun d tak°tbiyt n mrrak°c, tin ḥssan ɣ rrbaṭ, d ugadir n umɣar ɣ sus.

ɣ 1248, umẓn irumiyn tamdint n icbilya, ẓẓun ɣ imuslmn. skrn ilmma ɣ tmzgida yat lknist.

ɣ 1356, yut tt yan uzlzal ixcnn. iḥawl as bahra. bdan ad ttṣlaḥn lknist ɣ 1433, d ur smidn ar 1506.

ɣ 1987, zmmemn ayt yunisku la xiralda ɣ taysi tamaḍlant (World Heritage).

Tla taṣṣumɛiyt la xiralda 104 m ɣ tattayt, tg tamatart n tmdint n icbilya s umsacka n kullu mddn.