Zus
Zus niɣ d Aziyyus (Ssɣ tgrikit taqbuṛt: Ζεύς / Zyyus, ɣwalli inummrn) iga Akuc akkʷ imqqurn ɣ tsnumiyt Tagrikit, babas n akkʷ id wakuc d ufgan, bab n ddunit d akkʷ ma gis illan[1]. Ismun d imdla isluzzu tn, nttan ad ittsragn ɣ tḍuṛi n unẓaṛ d utfl. Ur d ɣar mk ann hlli, is ar ittary tagallit d unmala n ugama d wamun. Agllid n yigllidn ad iga, ssɣ dars ad d iwin akkʷ yigllidn d yigldunen adwas nnsn, d ur rad bbin amya bla nttan.[1]
Zus iga war afna d wanna yurmn ad dis ittamẓ taɣnnant rad tt ka yawi ɣ ugayyu nns. Tifawt ad igan imiss issiwidn da issxdam mgal id bu gar amud, ar tn sis iccɣruc.[1] Lɛibada nns tkka tt inn tlla ɣ akkʷ timizar n tgirkt, illa ɣ tuẓẓumt n usgd Agrikiyy, ɣaylli immalan atig nns darsn nttni. F cahcca nns ar ttyawskarnt wurarn ulampiyyn "Olympic games".[1]
Taẓuṛi n Yigrikn ar gllmnt Zus s yan urgaz bu taysist iṭṭafn yat tamart iɣzzifn, yusin yan usm ɣ ufus nns afasi.