Ɛli Cuhad

Zɣ Wikipedia
Aller à la navigation Aller à la recherche
Ɛli Cuhad
Tudrt
Talalit Issafen, 1965 (58/59 n isggʷasn)
Taɣlnt Lmɣrib
Tutlayt taymmat Tutlayin timaziɣin
Tiɣri
Tutlayin Taɛrabt
Tutlayin timaziɣin
Tawuri
Tawuri acnnay
Altaɣ Groupe Archache

Iga Ɛli Cuhad (ilul ɣ 1965 ɣ Isaffn, tama n idrarn n watlas mẓẓiyn) amara, amdyaz d anaẓuṛ aclḥi amɣribi.

Tudrt nns[ssnfl | Snfl asagm]

Ɛli Cuhad, agʷrram llid yiwi uɣdjaj d unzgum s umarg, ilul ɣ Ibrkak (Isaffn, adrar n Watlas mẓẓiyn) ɣ usggʷas n 1957. Ibrkak ttyawssann mas gan ayt umarg, tiɣbula ddrnin n tiyyat d turarin d tguriwin idran ɣ umarg d tayri n umarg. Ɣinn aɣ iga umarg zun d imnɣi, yan is ikcmn zun d iɣ ikcm s imnɣi, ur ad laḥ ma ɣ d ittwat. Ɣinn nit aɣ d ittut Mulay Ɛli, acku inkr ar issflid i turarin ttirir mas, babas, aytmas, istmas, d ayt uqbil nns akkʷ. Mkan af tin ur smyarn isgiwar n tinml, ifl tn, nɣ d ur t umin, sul imẓẓiy, yakʷi s usays ar ittlmad mamnk s ikkit, zun d imzwura nns, awal. Ɣmkan af zwar iga anḍḍam n usays urta iɣli d lɣrb awin t iwaliwn "ittmuddun" s tanana n idinann.

Ɣ usggwas n 1976, ngr ijiwjiwn ittɣliɣiln gr iɛzriyn n tmazirt, a ɣ inmaggar imddukal yaḍn zun d Damu, skrn tarabbut n Izmaz. Izmaz ad isat ar ittlmad tiɣarasin yaḍn ibdan d uḥwac, n umarg. Mac, mkli nit ira ism nns ad tn yini, ur kkin yat, ibdu yidsn Mulay Ɛli, acku aḥwac lliɣ issum akʷfay n umarg, ur tin yuji ɣ tiyyat yaḍn. Mkan af inmaggar ayt dars illan ɣ tgmmi tumlilt ɣ iga gʷmas Ɛbdlkbir, agʷrram Salut, Mulay Brahim, Ɛziz (Lli immutn tigariwin ad) d wiyyaḍ, skrn tarabbut n Arcac ɣ usggwas n 1979/1980.

Tarbbut ad lli ittagmn ɣ tiɣbula ur ittiɣarn n uḥwac tẓḍaṛ ad tskr idis nns gr trubba yaḍn, zɣ mad ttyawskar ad tsfaɣ asggʷas ar wayyaḍ tasfift s tayyaḍ, ilin dars ɣilad uggar n mrawt tsfifin n umarg.

Mqqar illa d trabbut n Arcac, ar sul d isuffuɣ Mulay Ɛli tisfifin ɣas nttan (zun d illi ɣ yurar tayri ikkitn zun d amariq), tisfifin lliɣ ittirir timdyazin nns, nɣ tin imdyazn iqburn zun d Sidi Hmu, Anccad. Mkli daɣ iskr yat tasfift nttan d umarir Ɛmmouri Mbark.

Mulay Ɛli ar ittirir anzgum llid jun ur yunfn aɣaras nns "a gix i lhm asnfu imyar aɣ d ittats ; a kullu iɣrasn da tkkan nmdi yasn" , tayri d umutti iqjrn n tamtti lliɣ iddr, s tguri yaḍn, tudrt igan zun d ajlabiy mu ḥawln waman, ur rurn asmmiḍ, ur rurn tiṭṭ.[1]

Amarg[ssnfl | Snfl asagm]

Itinspira yadlli Ɛli Cuhad s tmdyazt taclḥit taqburt, ilmma yura kigan n iwaliwn n umarg d tmdyazin i trabbut nns Arcac nɣ i ugayyu nns:[2]

  • Igudar n Sus
  • Awinu Tflt iyi d
  • Yan Dar Zhr
  • Ɛaql Awinu Ma tskrt


  1. Azawan.com - Ɛli Cuhad d Izmaz [Ɣr ɣ wantirnit] - ittuẓṛa ass n 10 mars 2012
  2. " La programmation Off de Timitar " - Aujourd'hui le Maroc

Isaɣuln[ssnfl | Snfl asagm]