Ɛssu u Baslam
| Ɛssu U Baslam | |
|---|---|
 | |
| afgan | |
| Anaw nɣ asrtu | awtm  |
| Tamazirt n tɣlant | Lmɣrib |
| Asakud n tlalit | 1890 |
| Ida n tlalit | Douar Ait Slimane |
| Assf n tmttant | 1960 |
| Ida n tmttant | Tinɣir |
| Tutlayt taymmat | Tutlayt tamaziɣt |
| Tutlayin s ar isawal nɣ s ar ittara | Tutlayt Taɛṛabt, Tutlayt tamaziɣt |
| Tawuri d mad isala | chef militaire, personnalité politique, résistant ou résistante, independence fighter |
Ɛssu u Baslam (s yism nns n tidt : Ɛisa u Ɛli n Ayt Baslam) iga yan uxatar lli yuran ism nns smḥ ur itmḥan ɣ iggi n tɣlaḍin n umzruy n tgldit n Lmɣrib. Illul ɣ usggʷas n 1890 ɣ udrar n Saɣru, ɣ tsga lli n iwalan i tnrzuft ɣ Tinɣir, yat tqbilt zɣ tqbilin n Ayt Ɛṭṭa. 70 usggʷas ad iddr aylliɣ ad immut ɣ 16 ɣuct 1960. Ittyussan s tirrugza d lɛz, ɣayann ad yujjan tiqbilin n Ayt Ɛṭṭa ad t fllasn gin d lqayd ɣ usggʷas n 1932, lliɣ munn Ayt Ɛṭṭa gn afus ɣ ufus afad ad wajhn nkrn i usdurri n Fransa. 27 n usggʷas ad iddr Ɛssu u Baslam ḍarat n imnɣi n Bugafr. Immut Ɛssu u Baslam ɣ 1960 s waṭṭan n skkar, ittyumḍal ɣ usmḍl n iqburn nns ɣ Imlcan. Nttan ad innan yan wawal: "Usiɣ ass imrign, afad asin warraw nnɣ iɣunab".
Amnɣi n Bugafr
[ssnfl | Snfl asagm]Ɣ usggʷas n 1933, ɣ 13 fbrayr ibda umnɣi gr inzbayn (lmuqawimin) ddu lqyada n Ɛssu u Baslam d iqṭṭaɛn n Fransa d willi asn ittawsn f iẓẓa lglawiyin. Ittyussan imnɣi ad s yism n Bugafr, tbda ɣ 13 fibrayr 1933, tkmml ass n 25 mars ɣ usggʷas ann nit, 46 wass ad tkka, sbayynn gis irgazn n Ayt Ɛṭṭa tirrugza nnsn lliɣ gan qbl imnɣi kra n 7000 n yan d iqṭṭaɛn n Fransa kra n 38 000 gin ḍḍubl nnsn s mraw tikkal, tzaydt asn is d iqṭṭaɛn n Fransa stɛmln dbabat d slaḥ amaynu, d tuggt nnsn ɣran ɣ ammas-katin n tinmal n lɛsker. Lliɣ ẓran iqṭṭaɛn n Fransa iguyya nnsn xsern nhjn ma mi nttini syasa n wakal iḥrgn, ar ḥrgn ar tbbin taddagin n lluz d uzmmur ar nqqan ɣ middn d tmɣarin d tazzanin, ma imẓẓin d ma imqqurn gisn 4000 n middn d 700 ngr lmuqawimin, amma iqṭṭaɛn n Fransa mmutn gisn 3500 iqṭṭaɛn gisn ljiniralat d wiyyaḍ nna dar tlla twassna ɣ zun d anaw ad n imnɣitn. Lliɣ iẓra Ɛssu u Baslam Fransa rad tnɣ kullu ayt tmazirt iqbl sis istslm ittfawḍ disn fkan as kran ccuruṭ gant kullu ɣ ṣṣaliḥ n tqbilt n Ayt Ɛṭṭa.
Tisaɣulin
[ssnfl | Snfl asagm]- Yan uvidyu ar isawal f Ɛssu u Baslam d umnɣi n Bugafr s taclḥit (Alink)