Agllid n Tagant
Agllid n Tagant tga yat tanfust yura t mass Raⵛid Najib Sifaw s tutlayt tamaziɣt taclḥit.
Tinfusin gant timzray n zikk (s tafransist : contes légendaires) lli mmu talsn midn i tarwas ɣ graygat tasga n tmazirt. Dmin artn ttinin midn i tarwa nns d ar sisnt sgan drrit mẓẓiyn. Yili gisnt mck n tmitar d iwaliwn fulkin.
Mad ttini
[ssnfl | Snfl asagm]Ɣ yat tagant, ɣ llan gigan d imudar, izdɣ yan illu igan murran icqqan d yan ugḍiḍ igan igzi iⵛatrn. Kraygat yan gisen ar inttl mas d nttan ad igan agllid n tagant. Yan wass inna illu i uwgḍiḍ : " Swingmɣ ɣ yat tɣarast wanna s tt iskrn, nttan ar ad ig agllid... "
Isqsa t ugḍiḍ :
- Mamnk ad tga tɣarast ann ?
- Wanna iswan kigan d waman nttan ara t ig...
- Mac manza za aman ann ?
Ddun ssntin asnubbec ar ttllin s waman aylliɣ-na ufan yan ill..Agḍiḍ nttan issen is ad izzigiz ill d is a ittddu d ar d iffal idɣarn ganin ayyarn. Isawl ugḍiḍ : " smaqqel, llan ɣid kigan d waman, kyyin ar ad izwur a tn tsut acku kyyin ad igan amqqran ! "
Iddm illu tazllumt nns ar issa, agḍiḍ nettan issn ma iskr, iskkus ɣ usklu ar d ittini : " Aywak ay illu...ayhayya nnk zdarɣ ad suɣ uggar n ɣanck nna!!! "
Illu ar issa ar daɣ issa, iɣal ukan ar issa. " Mac, yini yas ugḍiḍ,keyyin ur a tssat...Hann aman ar d aqqlayn !!! "
Illu ar ukan sul issa, mac iggummi ma isnfisil acku aman n ill ar d ukan aqqlayn, isakk iremi ur yad izdar i walu...Agḍiḍ ar ittqql aylliɣ snfln waman n ill...Tizi lliɣ a tturrayn ar ffaln idɣarn ganin ayyarn.
Agḍiḍ ar iskar is a issa, aylliɣ akkⵯ ddan waman, issumtn umlal, iddu dar illu inna yas : " Tzrit mad wiɣ ?! "
S tigzi nns as iga ugḍiḍ agllid n tagant, agllid nns n kraygat ass.
Amawal
[ssnfl | Snfl asagm]- Imudar : animals
- Illu : elephant
- Igzi : wise
- Taɣarast : way
- Agellid : king
- Issenti : to begin
- Ill : sea
- Asklu : shadow
Tisaɣulin
[ssnfl | Snfl asagm]