Agrzam n Waṭlas

Zɣ Wikipedia
Aller à la navigation Aller à la recherche

Panthera leo leo


Agrzam n Waṭlas
Barbary lion.jpg
Tasnsartut
TagldaAnimalia
AdurChordata
AsmilMammalia
TafsnaCarnivora
TawjaFelidae
TawsitPanthera
TalmstPanthera leo
Adu-tlmst Panthera leo leo
Linnaeus, 1758

Agrzam amaziɣ nɣ d Agrzam n Waṭlas, iga yan wanaw n igrzamn yafuḍn ɣ taganin ɣ umzwaru n tasut tiss snat tmrawin, ikkatt inn izdɣ ɣ yiẓẓlmḍ n tfṛiqt d yafuḍ ɣ usggʷas n 1940.

Kkan-tt inn igrzamn n waṭlas zzɣ iɣẓwan igʷmmrn iṛumyan afad att-n awin s Ṛuma ɣ iskniwn, d ar-tn ttajjan s laẓ i kigan n wussan afad ad gn iramyarn uggar ilmma ar asbn ttnuṛẓumn f imnɣayn d wanna f nbḍn s tinɣi afad attn ccn. Igrzamn imaziɣn gan afrruy i kullu imqquṛn ɣ igrzamn, dar tlkkm taẓḍuyt n wawtm gr 200 ar 300 kilugram d tiwtmin gr 120 ar 190 kilugram d maya d ar immala mas yadlli illa tagadda n iksiln ibangalin ɣ uksay, macc kra n imustawn ar ttɣaln mas d iksayn ad ssigʷtn gisn d mas d aksay nnsn iga tagadda n igrzamn n yiffus n tiniri tamqqrant ilkkmn 200 kilugram.

Afuḍn igrzamn ɣ tagut n Libya ɣ usggʷas n 1700 s usuds, d ɣ Tuns ɣ 1891 ɣ tama n tiɣrmt n babuc, amma ɣ Dzayr gʷmrn agrzam iggʷran ɣ 1910 ɣ dar "Suq ahras", macc illa ma yttinin mas d agrzam iggʷran ɣ Dzayr ittugʷmar ɣ 1943.

Kkantt inn iɛutmanin ar ssbɣasn tagʷmrt n igrzamn ɣ Tuns d Dzayr, d ar akkan atig iggutn f ilm nns, amma dffir lliɣ ikcm asdurruy afṛanṣiṣ s tmizar ad, iḍr watig n yilm, d ar yadlli gis akkan ɣar 50 frank, d aɣuln kigan n ifṛanṣiṣn izdɣn ɣ tmizar ad gan ingʷmarn n igrzamn, d nɣan uggar n 200 n ugrzam ɣ Dzayr gr 1873 d 1883.

Laḥ igrzamn ɣ uftas amɣṛabi ɣ tuẓẓumt n tasut tiss tẓa d mrawt (19) macc ɣaman ddrn gis arkiɣ ittwanɣa ɣɣʷalli gisn iggʷran ɣ usggʷas n 1942.

Ar ittnunnt mas d amntil amqqran ɣ wafuḍ n igrzamn imaziɣn gan-tn isnfaln iwnḍan i ttyumsarn, acku kkan tt inn middn ar ttkkisn addagn n taganin afadd adskrn isksatn n ifunasn d may ad ad iskrn yan umukris awnḍan ɣ tigʷmrin n igrzamn ad, zund udadn d iznkaḍ d izrzrn, d mayad ad igan amntil id yiwin ar kiɣ drusn imḍann n igrzamn, acku urufin mad gʷmmrn, d smmdn tt s tagʷmrt igan amntil ɣ tmtantt n ma iɣaman ɣ imudar ad.

Tiɣbula[ssnfl | Snfl asagm]

Midori Extension.svg Amgrad ad iga amud, imẓẓiy ka sul. Aws i Wikipidya s usnfl nns, tssimɣurt t.