Wikipidya:Amud

Zɣ Wikipedia
Aller à la navigation Aller à la recherche
Mad igan amgrad "Amud" ?
Wikipidya s Taclḥit


Tettuyskar tasna-ad bac ad gi-s nsawl f tɣawsiwin izdin d Wikipidya

Amud iga-t umgrad nɣ amnni lli bahra imẓẓiyn, ɣ tugt n imdyatn, ar gi-sn ttilin ɣar snat nɣ kṛaḍt twinas nɣ yan ar sin igʷṭman. Zun d anaw-ad n imgradn ur ufin ad sslkmn umlan nɣ ad sawln f imrsi nns mzyan ɣmk lli s ixṣṣa ad t-iskr, abla iɣ yadlli iṭṭaf imrsi ann ttmi yidrus mad nẓḍar ad t gi-s nini. Ɣayad ad ittajjan amnni-ad ad ur ig yan umgrad asmafrn: wid mẓẓiyn ixṣṣa-tn ɣar ad imɣurn, ad buɣlun umlan lli gi-sn illan.

Mad ixṣṣa ad zgis nrar lbal

Iɣ ar tsnfalt nɣ ar tsbddalt kra ɣ kra n usnfal igan "amud", iqqan-k-id ad bdda tkʷtit mas d atig n umgrad ar bdda ittili ɣ tɣarast nna s rad t tsbuɣlut bac ad yimɣur ad irwas imgradn ifulkin.

Llan kra n tɣawsiwin iqqan f usmras n Wikipidya ad tn issn d ad gi-sn irar lbal qbl ad yadda ar ittara ɣ kran umgrad igan "amud". Anaw ad n imgradn ula nttni ixṣṣa ad ḥtarmn ccuruṭ n usnflul n tasna nɣ amgrad amaynu, d ad raɛin iwtta nna akk iggzn n tiṛwi ḥ imgradn n "amud".

Tlla daɣ yat talɣa n "amud", skrn-tt id bu Wikipidya, iqqan-k-id ad tt-tsrst ɣ tasna-nnk ddu tirra kudd nna thiyyit. S umdya kyyi ar tettarat kra n umgrad izdin d umzruy tkmlt-t, iɣ imẓẓiy d ur ili atig, ixṣṣa walabdda ad as tgt talɣa n "amud". Iɣ tt ur tufit ɣ ammas n talɣiwin, add ka f Wikipidya:Talɣa n Amud, rad k-yawi uzday ad nnican s tasna n talɣa.

Tasniwin n Ayt Wikipidya

Tiwisi

Abrlaman

Imgradn istawhman