Amsawal n waggur:Taɣrma
Rnu asntl
ⵜⴰⵣⴰⵢⵓⵥⵜ ⵜⵉⵏⵉⴳⵉⵜ المومياء الشاهدة
[Snfl asagm]ⴽⴽⵉⵖ ⵓⴷⵙⵉⵖ ⴳ ⵢⴰⵏ ⵓⴷⴰⵎⵓ (ⵓⴼⵉⴷⵢⵓ ) ⵉⵙⴰⵡⴰⵍⵏ ⵖⵉⴼ ⵓⵙⵉⴼⵍ ⴰⵀⴰ ⵉⵏⵏⴰ ⵡⴰ-ⴷⴷⴰ ⵉⵙⴰⵡⵍⵏ ⵉⵙ ⴽⴽⴰⵏ ⵉⵎⴰⵣⵉⵖⵏ ⵙⵙⵏ ⴰⵙⵉⴼⵍ ⵏⵖ ⴰⵙⵓⴼⵍ ⵏ ⵓⵎⵜⵜⵉⵏ.ⴰⵏⵥⴰ ⵏ ⵓⵢ-ⴰ ⵢⴰⵏ ⵓⵎⵜⵜⵉⵏ ⵉⴳⴰⵏ ⵉⵛⵉⵔⵔⵉ ⵉⵜⵜⵓⵙⵉⴼⵍⵏ ⴰⵀⴰ ⵉⵜⵜⵢⴰⴼⴰ.
ⵡⴽⵓⴽⵏⵖ .ⵎⴰⵛⴰ ⴽⵓⴷ ⵖⵕⵉⵖ ⴰⵣⴷⴰ ⵉⵍⵍⴰⵏ ⵉⵏⴳⵔ ⵉⵜⵙⵏ ⵉⴳⵍⴷⴰⵏ ⵉⵎⴰⵣⵉⵖⵏ ⴷ ⵉⴼⵔⵄⴰⵏⵏ ,ⴽⵓⴷ ⵙⵙⵏⵖ ⵉⵙ ⵍⴰⵏ ⵉⵜⵙⵏ ⵉⴱⵔⵙⴽⴰ ⵜⴰⵍⵖⴰ ⵏ ⵜⵣⴰⵎⵓⴳⵜ ⵡⴰⵏ ⵓⵥⴽⴽⴰ ⵏ «ⵉⵎⴷⵖⴰⵙⵏ» ⴽⵓⵜⵜⵔⵖ ⵙ ⵓⵛⵔⵢⵓ ⴷⴷⵖ. ⴽⵓⴷ ⴰⵏⵏⴰⵢⵖ ⴰⴷⴰⵎⵓ (ⴰⴼⵉⴷⵢⵓ ) ⴳ ⵓⴷⵎⵍⵉⵙ (ⴼⴰⵙⴱⵓⴽ) ⵉⵙⴰⵡⴰⵍⵏ ⵖⵉⴼ ⵓⵢ-ⵏⵏⴰ ⵙⴼⵓⴽⴽⵔⵏ ⵉⵜⵙⵏ ⵉⵙⵏⴷⵔⴰⵣⵏ ⴳ ⵜⵉⴳⵉⵔⴰ ⵜⴰ-ⵏⵉⵜⵉ ⵓⴼⵉⵖ ⵜ ⵉⴳⴰ ⵢⴰⵏ ⵓⴱⵊⵃⵓ ⵉⵙⵙⵡⴽⵓⴽⵏⵏ !!ⵜⴰⵣⴰⵢⵓⵥⵜ ⵉⵎⵇⵇⵙⵏ ⵙ ⵉⵙⴽⴽⵉⵍⵏ ⵏ ⵜⴼⵉⵏⴰⵖ !!ⴰⵅⵅⵉⴷ ⴰⵏⵥⴰ ⵉⵙⵙⵓⵕⵓⵕⴹⵏ ⵉⵖⴰⵍⵏ ⵏ ⵉⵜⵙⵏ ⴳ ⵡⴰⵍⵓⴹ ⵏ ⵉⵀⵔⵜⵉⴼⵏ !!. ⵏⵥⵉⵖ ⵣⴳ ⵉⵙ ⴽⴽⴰⵏ ⵙⵙⵏⵏ ⵉⵎⴰⵣⵉⵖⵏ ⴰⵎⵎ ⵉⵎⵣⴷⴰⵖ ⵉⵏⵜⴰⵜⴰⵢⵏ ⵏ «ⵎⵉⵥⵕⴰ» ⴰⵙⵉⴼⵍ ⵏ ⵓⵎⵜⵜⵉⵏ ⴷ ⵜⵉⵚⴽⵉ ⵏ ⵜⵣⵓⵎⴰⴳ.ⴰⵎⵇⵇⵙ ⵏ ⵓⴷⵍⵉⴼ ⴷ ⵡⵓⵙⵓⵏ ⵏ ⵓⵙⵉⴼⵍ ⴷ ⵜⵉⵚⴽⵉ ⵏ ⵜⵣⵓⵎⴰⴳ ⴰⵔ ⵜⵜⵉⵏⵉⵏ ⵙ ⵜⴼⵉⵔⵜ ⵜⴰⴼⵏⵥⴰⵢⵜ ⵉⵙ ⴽⴽⴰⵏ ⵉⵎⴰⵣⵉⵖⵏ ⵍⴰⵏ ⵜⴰⵖⵕⵎⴰ ⵏⵏⵙⵏ ⵣⵉ ⴱⵉⵙⵎⴷⵉ ,ⵉⵙ ⵉⴽⴽⴰ ⵛⵔⴰ ⵏ ⵓⵣⵡⵓ ⵉⵅⵅⴰⵏ ⴰⵀⴰ ⵉⵃⵔⵢ ⴰⵙⵏ ⵉⵔⵉⵔⴰⴹⵏ ⵏⵏⴰ ⴽⴽⴰⵏ ⴰⵔⵓⵏ ⵙ ⵜⵎⴰⵣⵉⵖⵜ ⵙ ⵓⴷⵍⵉⴼ ⵏⵏⵙ ⵜⵉⴼⵉⵏⴰⵖ,ⵉⵙ ⵉⴽⴽⴰ ⵢⴰⵏ ⵓⴼⵓⵙ ⴰⴱⴰⵀⵢⴰⵜ ⵏⵏⴰ ⵓⵔ ⵢⵓⴼⵉⵏ ⴰⴷ ⵉⵍⴽⵎ ⴰⵍⴰⵢ ⵏ ⵉⵎⴰⵣⵉⵖⵏ ⴷ ⵉⵣⵓⵢⵉ ⵏⵏⵙⵏ ⴰⵀⴰ ⵉⴳⵔ ⵉ ⵡⴰⵔⵔⴰⵜⵏ ⵏⵏⵙⵏ ⵜⵉⵎⵙⵉ ⴷⴰⵢ ⵎⵓⵏⵏ ⴷ ⵡⴰⴳⴳⵯⵓ.ⴰⵏⵄⴷⴰⵎ ⵏⵏⴰ ⵉⵙⴽⵔⵏ ⴰⵢ-ⴰ ⵓⵔ ⵉⵙⵙⵉⵏ ⵜⵉⵏⴷⵉ ⵏ ⵡⵓⵙⵓⵏ ⴷ ⵜⵖⵕⵎⴰ ⴷ ⵜⴷⵍⵙⴰ ⵏⵖ ⵉⴷⴷ ⵉⵙ ⵉⵔⴰ ⴰⴷ ⵉⵙⵍⵓⴱⴱⴹ ⵉⵎⴰⵣⵉⵖⵏ ⵉⴷⴷⵖ ⴰⵙ ⴳⴰⵏ ⵉⵛⵏⴳⴰ ⵏⵏⵙ,ⵓⵔ ⴰⵙⵏ ⵉⵔⵉ ⴰⵀⵀⴰⵥ (ⴰⵙⵜⵉⵍⵍⵢ ⵖⵕ ⴷⴰⵜ) ⴰⵀⴰ ⵉⴽⴽⴰ ⴰⵙⵏ ⵜⵉⵢⵏⵏⵉⵜ ⵏ ⵜⴷⵍⵙⴰ.ⴰⴷ ⵉⴽⵎⴹ ⵡⴰⵔⵔⴰ ⵏ ⵛⵔⴰ ⵏ ⵓⴳⴷⵓⴷ ⵓⵔ ⵉⵍⵉ ⵅⴰⵙ ⵢⴰⵏ ⵓⵏⴰⴱⴰ ⴰⴷ ⵉⴷⴷⵓ ⵓⴳⴷⵓⴷ ⴳ ⵓⴱⵔⵉⴷ ⵏ ⵓⵍⵓⵢⵖ.ⵉⵖ ⵉⵔⴰ ⴽⵔⴰ ⵏ ⵓⴳⴷⵓⴷ ⴰⴷ ⵉⵙⵔⴰⵔ ⴰⵣⵔⴼ ⵏⵏⵙ ⴳ ⵜⵓⴷⵔⵜ ⵓⵔ ⵉⵜⵜⵓⵢⴰⵇⵇⵉⵍ ⴰⴷ ⵉⵙⵔⴰⵔ ⵉⵍⵙ ⵏⵏⵙ ,ⴰⴷ ⵢⴰⵔⵓ ⵙ ⵉⵍⵙ ⵏⵏⵙ,ⴰⴷ ⵉⵙⴱⵓⵖⵍⵓ ⵉⵍⵙ ⵏⵏⵙ ⵜⴰⴼ ⴰⴷ ⵉⵎⵎⵢⴰⵡⴰⵢ ⴷ ⵡⵉ-ⵢⵢⴰⴹ ⵉⵙⵙⵉⵡⵉⴹⵏ ⵓⵙⵓⵏ ⵙ ⵎⴰ ⵙ ⵉⵍⴰ.
ⴰⵖⴰⵣⴰⴼ ⵀⵎⵎⵓⵏ
08/06/2022/26/05/2972 ~2025-31031-37 (discussion) 3 Nuwanbir 2025 à 08:45 (+01)