Amussu adlsan amaziɣ
Amussu adlsan amaziɣ (s taɛrabt : الحركة الثقافية الأمازيغية, s tfransist : Le mouvement Culturel Amazigh) iga yan umussu asrtan amaziɣ ittnzbayn f izrfan n tutlayt tamaziɣt d ufgan amaziɣ g tmizar n Tmazɣa (Lmɣrib, Dzayr, Tuns, Libya, Siwa, Tigzirin tiknarayin, Tcad, Mali, Burkinafaṣu, Ssudan, Muritanya) d tmizar n umaḍal g llan imaziɣn zun d (Spanya, Franṣa, Kanaḍa, Iwankn munnin n Marikan, Hulanda, Bljika, atg).
Ɣ Lmɣrib[ssnfl | Snfl asagm]
Iban d Umussu adlsan amaziɣ g Lmɣrib g usggas n 1967 Ḍ.T (10 Nuwanbir) g tɣrmt Rrbaṭ, s izwar sbiddn imɣnasn tansmunt kullu izwarn g yigr n tmsart d tdlsa tamaziɣt, ad tt igan d Tansmunt tamɣribit n urzzu d umrara adlsan (s tutlayt taɛrabt: الجمعية المغربية للبحث والتبادل الثقافي ) .
Tansmunt ad tettyusbdda f ufus n Brahim Axyyaṭ, s umyawas n Aḥmad Bukus, ilin gis kullu inmɣurn d imɣnasn imqqran n Umussu amaziɣ nɣ Tamsart tamaziɣt zun dMuḥmmad Cafiq, Ɛli Azayku d wiyyaḍ.
Awttas n tnsmunt ad s izwar ur igi abla yan uwttas adlsan. Imɣnasn n tnsmunt ran ad smunn, aran kullu mad izdin s tussna tamaziɣt g Lmɣrib, zun d tinfusin, tanḍḍamt, tuxrifin, timyurin d ma izdin ula s tudrt takuyast n ufgan amaziɣ ass ad d g ma izrin. irin imɣnasn n tnsmunt ad, ad smunn mayad bac ad skrn yat tsdlist tamaziɣt g iẓḍaṛ ad yaf ku yan ma yaqqra ig ira f tmaziɣt bac ad issan tamagit tamaziɣt s yils d tirra n imaziɣn.
Macc tansmunt ur tɣama ɣik ann gis ɣar mnnaw n iminagn, ass llura n wayya tssuda tnsmunt ar ttimɣur, ar tt id kccmn imḥḍaṛn n tsddawit d islmadn isddawin. Ar tt id kccmn ula udmawn isrtann (ayt tsrtit) ɣayad ad tt yuddjan ad dars yili yan ussisfiw agjdan g yigr n tussna tamaziɣt. Zrin isggʷasn, imḥḍarn d islmadn ismulan g tsklut n tnsmunt tamɣribit n urzzu d umrara adlsan ffaɣn tiɣrmt n Rrbaṭ, ftun s tɣrmin yaḍn, awin didatsn awngm n tnsmunt. Mayad ad tn yudjan ad skrn ku yan gitsn tansmunt g iɣrm nna g izdɣ. S iggʷr, tansmunt nnaɣ tamzwarut s ttin ikkan tga yat, turri tga mnnaw n tmsmunin, ɣikad as ibda uwwngim amaziɣ g Lmɣrib ar ikccm s igr n tsrtit d tdlsa.
Urrint darɣ timsmunin g tugt n tɣrmin zun d ukan : Warzazat, Nnaḍur, Agadir, atg. Macc tinsmunin ad ɣamant zdint s uẓur nnsnt g Rrbaṭ. Ar ɣid awal sul ingadda, afrruɣ ur ibdi ar tizwiri n 1980 Ḍ.T. G izwar n 1980 iwln (commence) ayt iẓẓlmḍ ar ssan sg tɣbalut n tmsmuuin, urrin ayt iẓẓlmḍ ar tnzbayn f tmsart tamaziɣt sg ugns n ikabarn nnsn d imussutn nnsn, zun d amussu n ila al amam d umussu n 23 Marṣ.
Ɣid ukan a g yiwl yan uwngm amaziɣ ar d ittalli sg s wakal ar yaqqlay s ignwan. Ɣid ukan a g ira yawl imnɣi ingr uwngim amaziɣ d uwngm Aɛurubi, tasrmunt tagdudant, Awngm amuslm, d ayt amur aɛrab.
Ayt tmtti taɛṛabt, ar ttinin mas tlla yat tmtti sg Ugaru ar Uslallu.
Ayt Tsrmunt Tagdudant, ar ttinin mas d iqqan ad tili yat tamunt n waɛrabn, yan ur t igin ad t ig s wafud.
Ayt Uwngm anslm ar ttinin mas illa yan wamur sg Ugaru ar Ugaru, nɣ sg Lmɣrib ar Andunisya.
Ɣid a g d ufan ayt Uwgm amaziɣ ixf nnsn, iqqan tn id ad afin yan uwngm mas tnaɣn d mayad kullu t, ɣid a g d yiwl uwngm n Umussu Adlsan Amaziɣ. D ɣid a g d bann tugt n imɣnasn ilan ungimn imzarayn, llan gitsn ayt uwngm amaziɣ amuslm ilin ayt uwngm amaziɣ asrmun atrar.
Ɣ Ddzayr[ssnfl | Snfl asagm]
Ẓṛ uggar[ssnfl | Snfl asagm]
- http://www.tawalt.com/?p=22975
- http://agadaz.com/?p=6402
- Tasdlist n tnsmunt : https://biblio.ircam.ma/opac_css/index.php?lvl=publisher_see&id=2203