Argaz d w-awtil

Argaz d w-awtils tifinaɣ ⴰⵔⴳⴰⵣ ⴷ ⵡⴰⵡⵜⵉⵍ tunfist ad niɣd dmin ad ar tsawal f wan urgaz d w-awtil. Ar as ttalsnt id immitnɣ lli mqqurnin s ɣ mkad: "ikkatin ɣ tusustin zrin yan urgaz iran ad isɣ kar ɣ yan ulmuggar niɣd suq. Idda urgaz s ssuq yafn yan uεṭṭar ar izznza kra n tizrbay, mac isrs yan w awtil ɣ tama ns. Inna yas :

- Argaz : mnck tizrbay ad a ya aεṭṭar?

- Aεṭṭar : graygat taɣawsa s w-atig ns agma.

- Argaz : imma awtil ad is iga i tusɣt, mad s gis tnnit ?

- Aεṭṭar : atig n tzrbay ad kullu igadda d w-atig n w-awtil nna agma:

- Argaz: s mank ?

- Aεṭṭar : hati nttan ad igran asṭṭa ar kiɣtnt isker tizr bay nna.

- Argaz : mank za a rad as skrɣ iɣt iwiɣ ?

- Aεṭṭar : awit ar kra n lmrs (azaɣar) igan luḍa , tmmurzmt as gis han rad ibdu attnt iskar.

Mcackand irgazn lli f w-atig n w-awtil isɣt urgaz lli yawit ar brra n lmuḍaa , irzm as yazzl w-awtil lli aylliɣ a sul ur iskar latr, yaf mad ira . ar yas yaqqra urgaz llit isɣan : << aḍuḍ a y-awtil aḍuḍ , han tazrbit lli riɣ ur kullu rad ilin unck nna >> .

Iɣ ur mmutn han ar ar ukan sul ittazzal w-awtil itfrt urkaz <<aḍuḍ a y-awtil aḍuḍ , han tazrbit lli riɣ ur kullu rad ilin unck nna >>

Amawal ittawsn

• Aεṭṭar: Amzznz ar iznza ar issaɣ
• Lmrs : luḍa igaddan , azaɣar