Awank n Yiɛbbasiyn
| Awank n Yiɛbbasiyn | ||
|---|---|---|
| الدولة العبَّاسيَّة | ||
| ||
| Tamssugurt | ||
| Tanbaḍt | théocratie | |
| Anssixf n uwank | As-Saffah | |
| Tamaẓunt | Samarra | |
| Tutlayin timaddudin | Taɛrabt | |
| Tarakalt | ||
 | ||
| Tajumma | 11100000 km² | |
| Tadimugṛafit | ||
| Umlan yaḍnin | ||
| Adrim | dinar or | |
Awank n Yiɛbbasiyn iga yat talxilaft tamuslmt n 37 n igllidn lli ganin aṛaḍn n Ɛbbas, ɛmmis n usar Muḥmmad, tkks isni n tgldit i ayt Umiyya ɣ usggʷas n 750. Tbbz agiṭun nns ɣ Bɣdad ssɣ tasut tis tamt ar tis kṛaḍt d mrawt, waxxa hati ida n txilaft immatti s Samarra gr 836 ar 892.
Tssn talxilaft ad afa n ubuɣlu nns ɣ uzmz n Haṛun Ṛṛacid d iwis Lmamun, taḍuṛi nns rad tili f ufus n uslak Amnɣul ɣ usggʷas 1258.
Tagrawla n iɛbbasiyn[ssnfl | Snfl asagm]
Ɛbbas u lmuṭṭalib ikka tt inn iga ɛmmis akkʷ mẓẓiyn n usar Muḥmmad, d tzdayt ad n idammn ngratsn ad isnaln tarwa nns ad ssutrn azrf n "ayt tgmmi" (Ahl Al-bayt) ɣ wuṭuf n tsura n tgldit.[1]
Bab n twngimt ad iga t yan urgaz mi ismn Abu Muslim Axarasan (755 CE), nttan ad ifḍḍan d ugʷar n ayt Umiyya, illa akkʷ mad fllas ittinin amsrsl n uwank Aɛbbasiy, ntta iskr manik d manik aylliɣ ɣlin iɛbbasiyn ad.
Ukan axalif Mṛwan amggaru n ayt Umiyya, ɣ yan umussu iṛẓan afad ad isṭiṭ tagldit nns, ittr agayyu n umɣar n urabbu n iɛbbasiyn, Bṛahim, d ɣmklli ira ntta, ittyamaẓ, ittyunɣa s ufus ismmiḍn, ukan ɣil ad gʷmas amaẓuẓ "Bu Ɛbbas" a rad issixf amussu.[1]
Agalfu Aɛbbasi ddu tnbaḍt n bu Ɛbbas, rad imnaggar d tagrumma n Mṛwan tama n wasif n Zab (750 CE) ɣilli ɣ iffuɣ amnraw. lliɣ iṛẓa Mṛwan rad ilmma irwl s kra n mani ɣ Miṣṛa macc ittyafa sul ɣinna, ittyunɣa dɣ ntta. Ɣ wakud ann rad ibrrḥ Bu Ɛbbas Ssfaḥ (wad iḥmln tinɣi) is d nttan ad igan lxlift f Lkufa.[1]
Tisuɣal[ssnfl | Snfl asagm]
- ↑ 1,0 1,1 et 1,2 (En) Ssɣ dar wansa n World History Encyclopedia.