Ayt Baɛmran
Ayt Baɛmran gan mnnawt tiwizwin ticlḥiyin ɣ iffus n Lmɣrib munnt ddu yism ad. Llant twizwin ad ɣ tsga n Uglmim-Asif n Nun. Tiqbilin ad gant s laṣl zɣ twiziwin n Ilmṭiyn d Igizuln lli ganin ayyawn gr wayawn n twiziwin n Yiẓnagn.
Tettawssan twizi ad s tnzbayt d tɣnsa d tirrugza mgal asdurri n Fṛanṣa d Ṣbanya.
Akal nnsn
[ssnfl | Snfl asagm]Akal n Ayt Baɛmran zikk ikkatinn imqqur ur d zund iwtta lli teṭṭaf ɣilad lli ɣ illa ɣ ugafa tiqbilin n Ssaḥl, ɣ iffus taqbilt n Ayt Laḥsn lli igan yat ɣ tiqbilin n Tkna, d ɣ tagut llan gis tiqbilin n Laxṣaṣ d Ayt Brayyim. Ɣ kran iɣbula ar nttafa mas tiqbilin ad kullutn lli f nsawl ɣilad kkan-tt-inn llant ɣ ammas n wakal n Ayt Baɛmran urta illa tqsim ad lli illan ɣila lli ittuyskar ɣ usggwas n 1934 ɣ ammas n yat litifaqya lli mu ism Lhna.
Tamunt ad gis sḍiṣt tqbilin ḍwrn f tiɣrmt n Sidi Ifni, tiqbilin n Ayt Baɛmran lli illan ɣilad atnt igan :
- Taqbilt n Imstitn
- Taqbilt n Ayt Bubkr
- Taqbilt n Ayt Lxums
- Taqbilt n Ayt Ɛazza
- Taqbilt n Ayt Ɛbḍlla
- Taqbilt n Aṣbuya
Tisaɣulin
[ssnfl | Snfl asagm]
Tusmirin
[ssnfl | Snfl asagm]a. Tiwizi : ad tt igan d wamun n middn nna ismun yan waẓuṛ (aggʷ inn Wikimawal https://incubator.m.wikimedia.org/wiki/Wt/shi/Tiwizi)