Frḥat Mhnni
| Frḥat Mhnni | |
|---|---|
 | |
| afgan | |
| Anaw nɣ asrtu | awtm  |
| Tamazirt n tɣlant | Dzayr, Fṛansa |
| Ism amzwaru | Ferhat |
| Asakud n tlalit | 5 Mars 1951 |
| Ida n tlalit | Illoula Oumalou |
| Tutlayin s ar isawal nɣ s ar ittara | Tutlayt Taqbaylit |
| Tawuri d mad isala | chanteur ou chanteuse, personnalité politique |
| Fonction | président ou présidente, président ou présidente |
| Iɣra ɣ | université d'Alger |
| Amulli asrtan | Mouvement pour l'autodétermination de la Kabylie, Rassemblement pour la culture et la démocratie |
| Instrument de musique pratiqué | voix |
| Iga yan ugmam ɣ | Ligue algérienne pour la défense des droits de l'homme |
Frḥat Mhnni (ittwassn ula s yism n Ferḥat Imaziɣn Imula) ilul ɣ 5 Mars 1951 ɣ Illuln umalu, tama n tmdint n Tizi Uzzu ɣ tmnaḍt n Lqbayl ɣ Dzayr. Iga anaẓuṛ, argaz n tsrtit d amara amaziɣ aqbayli, nttan ad igan amkras d anssixf amzwaru n Umussu i ugucclman n tmazirt n Yiqbayliyn (MAK), yan umussu barha ilan atig ɣ tmnaḍt n Lqbayl acku ar ittdafaɛ f uzrf n uɣrf aqbayli ɣ tanaḍt n tugart d tuɣult nns. Azrf ad ittyura ula ɣ umgrad wis 32 n udustur adzayri.
Zɣ wass amzwaru ɣ wayyur n yunyu 2010[1], iga anssixf n Unabaḍ Aqbayli Uεḍil, yat tnbaḍt illan ɣ brra n tmazirt n Lqbayl, tlla tnbaḍt ad ɣ tmdint n Bariz ɣ Fransa.[2]
Tudrt nns
[ssnfl | Snfl asagm]Ilul Frḥat Mhnni ɣ ass n 5 mars 1951 ɣ Illuln Umalu, tmnaḍt n tmdint n Tizi Uzzu ɣ tmazirt Lqbayl ɣ Dzayr. Yiwi d lissuns nns ɣ timassanin tisrtan ɣ tsdawit n Dzayr tamaẓunt. Ibda Frḥat Mhnni azazu nns ɣ umarg ɣ usggʷas n 1973[3], yiwi d akkʷ gis tasmɣurt tamzwarut n Tfugla n uẓawan atrar n Dzayr. Imikk dffir mayad a ɣ ibda twuri nns zun d anaẓuṛ d amɣnas asrtan. Ikka t inn mgal tnbaḍt tadzayrit d imutacaddidiyn; ayad af ittwamẓ 13 n twal, ittusrar ɣ biggurdan i kraḍ isggʷasn d tɛddan fllas aggaḍn n tnbaḍt tadzayrit[3]. Ḍaṛt uskruri n Tafsut tabrkant ɣ Lqbayl nna ibdan ḍaṛt tinɣi n yan uɛrrim aqbayli iga s yism Masinisa Germaḥ s ifassn n tnbaḍt tadzayrit, iskr ilmma Frḥat Mhnni Umussu i ugucclman n tmazirt n Yiqbayliyn, yan umussu asrtan isɣuyyun f ugucclman asrtan n Lqbayl. Ɣ 2015, amussu n MAK izri zɣ usɣuyyu f tafulmant s usɣuyyu f ugucclman.[4]
Tinɣi n iwis mqqurn, Amẓyan Mhnni, ɣ 2004, iga dar kra n middn zun d tamrrut f imnɣi nns f tafulmant. Llan wiyyaḍ ar ttinin mas d iẓḍar ad ig azgal d mas d Frḥat ad t inn ikkan iga aswutts.
Amarg
[ssnfl | Snfl asagm]- Chants berbères de lutte et d'espoir "Chants berbères de lutte et d'espoir" (1983)
- Tuɣac n ddkir "Chants d'acier, d'amour et de liberté" (1994)
- Tuɣac n tmes d waman "Chants de feu et d'eau" (1996 et 2001)
- I Tmurt n Leqvayel "Hymne à la Kabylie" (2002)
- Adekker d usirem "Requiem et Espoir" (2004)
Tisaɣulin
[ssnfl | Snfl asagm]- ↑ Un gouvernement provisoire kabyle : pour quoi faire ?
- ↑ Asml amaddud n Anavaḍ Aqvayli Uɛḍil
- 1 2 Dissident Watch: Ferhat Mehenni Middle East Forum
- ↑ Makabylie.org yan usml aqbayli
 |
 |
Amnni ad iga amud izdin d imɣnassn d ixatarn Imaziɣn lli yusin anzgum n tutlayt d tamagit Tamaziɣt. Aws i Wikipidya s usnfl nns, tssimɣurt t. |