Iṣiḍ (aṭṭan)
Iṣiḍ (S tfransist: La Rage, S tnglizt: Rabies) iga yan waṭṭan amssiɣ ittaɣn allɣf, ar ittili dar imudar mi rɣann idammn, anjrtf ad ar bdda inqqa iɣ d hlli nfalalnt tmitar nns zwarnin ur sul illi unaruz ɣ tudrt, ar izray s ufgan s usaka n ilddayn n kra n umudr yaɣ iṣiḍ, iɣ gis ibbi. Iga yan umukris nit mqqurn n tdusi tagdudant.[1]
Ar ɣassad ur ta illi kra n usafar i waṭṭan ad
Amzruy
[ssnfl | Snfl asagm]Zwar n Lwis Pastur[2]
[ssnfl | Snfl asagm]• 2300 BC: Ɣ warra n Babl, ɣ tmazirt n grisaffn (Lɛiraq n ɣilad) bdrn is d aydi iga amzzray amzwaru n waṭṭan a.
• 63 BC: Yan uḍbib Aṛmmuy issufɣ taguri n "Tamanufubit" (Hydrophobia)
• Tasut tis 16: ittyawglam waṭṭan i tikklt izwarn.
• Tasut tis 18: nnan is ar d ittekka waṭṭan kra n twkka intn imẓẓiyn illan ɣ ilddayn n umudr amiṣiḍ.
Azmz n Lwis Pastur[2]
[ssnfl | Snfl asagm]S twisi n Lwis Pastur ittyafa sul ugzzay n yiṣiḍ lli ibiddn f ulugn n ugzi s kra n urctuy ikrin, mayad ɣ wass n 26 ktubr 1885.
Dffir n Lwis Pastur[2]
[ssnfl | Snfl asagm]Yan uzzigiz mqqurn ɣ tsasfrt d wakaz n waṭṭan.
Amskar n waṭṭan
[ssnfl | Snfl asagm]Tasnvirust
[ssnfl | Snfl asagm]Amskar n waṭṭan iga Avirus n yiṣiḍ (iga win ARN) ikcmn ɣ ugnus n "Lyssavirus" d yuckan ssɣ tagrikit Lussa = Axlu / Anufl. ig yan ɣ twja n Rhabdoviridae. ig zun d kra n tkurayt ɣ talɣa nns iṭṭaf yan ixf igan aflwaḍ, d ixf yaḍni iga awrarray. Irwas kra n tigirit n uburi, imma ablɣ nns hati imẓẓiy bahra (timẓẓi nns tlla s taskala n unanumitr), avirus ad idl s yat tnttalt.[3]
_EM_18_lores.jpg)
Ɣ tnttalt n uvirus illa yan uglikuprutin ar tt issiwis lliɣ ar ittcbbar ɣ unamaẓ n tɣrast ism-as Aglikuprutin G.
Avirus-ad iḥml ad ifttu s dar tɣrasin n wallɣf.
Tawrarrayt n ussugt
[ssnfl | Snfl asagm]Bac ad ittigut uvirus uggar ɣ ugns n tɣssa, rad izri ɣ yan mnnaw n iẓmmuẓẓal:[3]
1) Azday n uvirus d unamaẓ n tɣrast s usaka n kra n tzbalin.
2) Rad islt uvirus s wagns n tɣrast.
3) Tlalit n ivirusn imaynutn s yan wuṭṭun mqqurn.
4) Tamunt n tsuka n ivirusn.
5) Asdrfi n ivirusn ggutnin s bṛṛa n tɣrast, bac ad daɣ kcmn f tɣrasin yaḍnin.
Tixibit n uvirus d umzzray nns:
[ssnfl | Snfl asagm]Iyḍan ad igan amzzray n waṭṭan s ufgan, s ilddayn nnsn, 99% n waddadn iɣ gis ibbi, imma ix t ka ixmc idrus nit lḥal ad izri.
Tisuɣal
[ssnfl | Snfl asagm]- ↑ institut pasteur
- ↑ 2,0 2,1 et 2,2 La rage à travers les siècles : Jean Théodoridès, Histoire de la rage. Cave canem
- ↑ 3,0 et 3,1 http://www.microbes-edu.org
