Kaṛl Fridiritc Guss
Yuhan Kaṛl Fridiritc Guss (1777 - 1855) yan usnak d usngam aliman, lli iskrn tadaka d tyafut ɣ idɣarn ad n tussna (tasinakt d Tasngama). Ar as aqqran s "Agllid n usnakn" d "usnak lli kullu mqqurn zɣ assfal n ddunit". Guss ifka tugt i tasinakt d tussna, d iga ɣ inmɣurn n usnakn ɣ umzruy.
Ilul Guss ass n 30 bril 1777, izzri tamziyt nns ɣ Brunswick ɣ uliman, d nttat aɣ iɣra. Mas ur tɣri d ur tssn tizi n tlalit n iwis kaṛl, mac rad stt id ildi ntta d zɣ akud ann d aniɣ admzalalyn tmkfit nns ɣ tasinakt. Ɣ sskʷil rad yaf afssay i mnnaw imukrisn ɣ tasinakt, mad lli rad issusm Duke n Brunswick lli rad t yazn s tsdawit n Collegium Carollinum, ukan ar gis yaqqra gr 1792 d 1795, ar kiɣ immatti s tzdawit n Gottingen, ukan ar daɣ yaqqra gr 1795 d 1798. Ɣ isggʷasn dars iggʷran ɣ tzdawit, rad ifk Guss tugt n tdusi ɣ udɣar ad lli mu ikcm. Tugt n tmagunin rad tnt ismd, d tiyaḍ rad ffɣn-t s ubaraz, d ugidi n imukrisn lli mu yad ttanfn isinakn zɣ zikk rad asn yaf afssay. Ittussan Guss mas iga argaz n twwuri, d iɣama f unckk ann ar ass lliɣ immut ɣ 23 brayr 1855.
Amgrad ad iga amud, imẓẓiy ka sul. Aws i Wikipidya s usnfl nns, tssimɣurt t.