Syul

Syul
Kurya n Wnẓul
Tamssugurt
Awank anayan	Kurya n Wnẓul
Villes spéciales	Seyul
Anssixf n tnbaḍt	Oh Se-hoon
Ism amaddud	서울특별시
Ism aqqbur	서울
Tajɣraft
37°34′N 126°59′E
Tajumma	605,25 km²
Tattuyt	38 m
Iwtta d	Gyeonggi d Incheon
Tdimuɣraft
Imzdaɣn	9 668 465 n imzdaɣn (2020)
Umlan yaḍnin
Asrus n trsal	SsebtambUTCSsebt
Akud adigan	UTC+09:00
Timdinin tikniwin	San Francisco, Taqahirt, Jakarta, New Delhi, Taipei, Ankara, Guam, Ṭhran, Bogota, Tokyo, Mosku, Sydney, Pkin, Oulan-Bator, Hanoï, Waṛsu, Astana, Atna, Washington, Bangkok, Tirana, Saw Pawlu, Delhi, Buenos Aires, Miksiku, Rio de Janeiro, comté d'Honolulu, Paris, Roma, New York, Honolulu, Bandung d Kyiv
seoul.go.kr d english.seoul.go.kr

Syul, niɣ d s ma igan amaddud Tiɣrmt Tamaynut n Syul, tga tamaẓunt d tɣrmt akkʷ imqqurn ɣ Kuria n Iffus. Tamnaḍt n Syul, a ɣ tlla tmazirt n Jyunggi d tɣrmt n Incheon, tuman tga tis kkuẓt ɣ umaḍal ɣ tdmsa tamiṭṛubulitant ɣ usggʷas n 2014, tiɣrdin n Tokyo d Nyuyurk d Los Angeles, tamu uggar n uzgn n imzdaɣn n Kurya n Iffus. Mqqar lkmn imzdaɣn n Syul 10 mlyun, ssntin ad ttidrusn sɣ 2014, llan ɣilad 9.97 mlyun ɣ 2020. Syul tga adɣar n tnbaḍt n Kurya n Iffus.

Amzruy

Amzruy n Syul ikka d tiɣrdin n usggʷas 18 dat n tlalit n Lmasih, lliɣ tt inn tssrsl tamtti n Baekje igan yat sɣ kraḍt tgldiwin n Kurya. Ɣ wakud n tgldit n Joseon, tettyawmla Syul is tga tamaẓunt tamaddudt n tmazirt, ifrg tt ugadir n Syul. Ɣ zikk tasut tis 20, tettyamaẓ Syul ɣ ufus n Ujabun, tettyawsmma "Jyugsyung." ɣ yan wakud, Imnɣi icddan n Kurya imgr id iman ur d imikk, tiɣrmt ad tnnstm nit. Macc, sɣ wussan ann tssn tɣrmt yan wallas ifdudin n tbnnayt nns, d yan usɣrm immrarn.

Tadamsa

Syul tga tiɣrmt akkʷ ittyawzdaɣn ɣ Asya, d tis snat ɣ umaḍal s tudrt ifulkin sɣ dar Arcadis ɣ 2015 d yan GDP per capita (PPP) s ma yaẓn i 40,000 n idular. Gis 15 n tdrawin mqqurnin imaḍlann s wayda, zun d Samsung, LG, d Hyundai, lan ansa nnsn ɣ Tmnaḍt taẓṛfant n Syul, gis issal itiknulujiyn imagrn, zun d Gangnam d Digital Media City. Syul tumẓ taskflt tis sat ɣ Global Power City Index d Global Financial Centres Index, tga yan sɣ smmus idɣarn zwarnin da isnubgn igrawn imaḍlann. Tiɣrmt tsnubg ula igitn mqqurnin zun d urarn n Wasya n 1986, d wurarn n unbdu n 1988, d G20 d ccayf n Syul n 2010.

Tiɣrmt

Syul tucka d ɣ yan udɣar adraran ɣ llan isuyas iwrarann, s udrar n Buxan illan ɣ yir n iẓẓlmḍ. Ɣ ugns n Syul llan smmust n idɣarn kcmnin ɣ UNESCO taysi n umaḍal: Ibrgmmi n Cangdyuk d ugadir n Hwasyung d uẓallu n yungmyu, Namhansanseong, d iṣmḍal Igldann n tgldit n Jusyung. Ɣilad, Syul tssugga yan usfdudi ɣ tuṣka tatrart, s idɣarn imaynutn zun d agʷddim n N Syul , 63 Bwildin, agʷddim n Lotte World Tower, asarag n Dongdaemun Design, Lotte World, agʷddim n tsbbabt, COEX, IFC Sywul, d Parc1. Syul ittyawfka as ism n "tmaẓunt tamaḍalnt n udiẓayn" ɣ usggʷas 2010... Tg daɣ tɣrmt ann yan issl anamur i uẓawan d ufjjij, d tmaguri n tdlsa, da d iḍin K-pop d Korean Wave (Taḍḍinga takurit) s tussna tamaḍlant.

Aẓuṛ n ism

S tmyurt, Syul (서울) tga yan wawal agmazir, n tkurit (innzray d win tkurit tasininit) ism ad ar hlli isnamk "tiɣrmt tamaẓunt." Ɣayad af, ɣ uzmz n tgldit n Joseon, tiɣrmt tamaẓunt ifrgn n Hansyung (한성; 漢城) ar as ttinin mddn Syul. S ussmrs ittyawmyarn, imsfrawsn (Lmubaccirin) n ifransiyn ar ttinin i tmaẓunt n Joseon *Séoul* (/se.ul/) ɣ warratn nnsn, mayann af tettyara ɣassad *Seoul* s iskkiln ilatiniyn ɣ tutlayin yaḍnin

Dffir Imɣi Amaḍlan wis sin d tidrfit n Kurya, tiɣrmt taɣ ism nns n ɣilad.

Tunnunt

Taykwandu ad igan tunnunt tagmazirt n Kurya, Syul ar dars tsnubg Kukkiwun, da daɣ ittyawssann ula s ism n World Taekwondo Federation (WTF), asntl imqqurn n tunnunt ad n Taykwandu ɣ umaḍal.

Igitn Imaḍlann

Syul tsnmala Urarn n Wasya ɣ 1986, Urarn n Unbdu n 1988 d Paralympics n Unbdu n 1988. Tg yat sɣ tɣrmiwin da snubgnin Alkas n Umaḍal n FIFA n 2002 (s ma igan gud, Abaraz n Umaḍal n Syul isnmala unmuggar n uṛẓẓum).