Tadamumt tamaynut

Zɣ Wikipedia
Aller à la navigation Aller à la recherche
Hann !!! Amgrad ad ixcn ur gis iffuɣ umya !
Llant ukan sul gis tguriwin tuṛḍilin zzɣ kra n tutlayt yaḍnin d/nɣ ur ittyara s tclḥiyt, tḍfurt nit sul twwuri iggutn. Ɣrat aslgn n Wikipidya taclḥiyt bac ad trmsm uggar.
Mad igan afssay? iqqan d ad igiddi, ttyukksnt zgis tguriwin turḍilin, d ad ttyusbadlnt s tguriwin timaziɣin

Tadamumt tamaynut (la nouvelle idôle, Nietzsche)


(….)Mani sul walan igduden d ulli, maci γer-neγ, a ayetma ; din n-llan Iwunak. Awanek (Etat)? ma t igan ? Ad ur tegg˚dem! Reẓmat wasa (γilad/ rux-a) i imezgan, acku wasa rad a wen-iniγ yan wawal xef tmettant n igduden. Awanek, d isem n yan uγẓen akk˚ ikermen ger iγeẓnan ikermen. Ar diγ iskerkis s ul ikermen; seg imi nns ar ed-smeqqiyent tkerkas-ad: « Nekkin, Awanek, giγ agdud. » Tid ad igan tikerkas! Imeγniten (créateurs) d (gan-ten) wid isenneflulan igduden, ag˚eln nnig-nsen yat tiγalt (croyance) d yat tayri: s γikad xdemn i tudert. Gan imxellun (imardalen, destructeurs) nna iteggan tisiwaγ (obstacles), semman-asent Awanek: nnig-nsent ug˚eln tafrut (glaive) d tmiḍi n iẓuzḍen (désirs). Dinn g sul illa ugdud, ura isseflid i Awanek, zun d gar titṭ imqqet-t, zun d abekkaḍ (péché) mgal timyurin d mgal izerfan. Tamatart-ad, ad awen-tt-fkeγ : xef ufulki d uẓuḍ (mal) kun agdud ar isawal s tutlayt nns, nna ur ittefham wağar. Tutlayt nns, γ temyurin nns d izerfan nns kun agdud i ixf nns nit isker-tt. Mac s tutlayin akk˚ isawalen xef ufulki d uẓuḍ, Awanek ar iskerkis; d ayenna yera yini-t ar iskerkis — d ayenna akk˚ itṭaf, is t ka yuker. Acku degs ur ila ma igan tidett; s tuγmas ittyakarn ar ittebbi, bu wabbayn-ad. Ur gan tidett awd imeṣran nns (entrailles). Reksent tutlayin isawalen xef ufulki d uẓud: tamatart-ad ad awen-tt-fkeγ teg tamatart n Awanek. G tidett, tirit (volonté) n tmettant ad tga tmatart-ad! G tidett, hati i imelluya (prêcheurs) n tmettant a mi tceyyarn. Lulen wid iggutn-bahra-bezzaf; hati imcayḍen-ad (irizen, les superflus) a mi ittuskar Awanek! Annayat mamenk s ten-ittawk, yawi-ten, wid iggutn-bahra-bezzaf! Γikkad ten-ittelmaẓ, isεlulef-iten, d γikkad ten-igezẓa, igezẓ-ten diγ! « G Akal ur illi ma yi yugaren; nekkin d aḍaḍ n Rebbi ittbadḍen » — imkiddeγ a s-inedder uγẓen. D maci γas aywalen (bêtes) mi γezzifen imezgan d mi idrus iẓri ka helli i tbendaqen! Ahḥ ukan! g-iwn ula k˚ennin, a id bu-tasa (grandes âmes), ar enn isaddum (distille) tikerkas nns issiwiden. Ulawen ibγern iḥmeln ad akkan ixfawen-nsen, ahḥ ukan, ar ten-ittakez. Yih, ar k˚en-ittakz ula k˚ennin, a wid iran akuc (dieu) aqbur! G imenγi termim, d tura, aremmuy-nnun ixdem sul i tdamumt tamaynut! Iṣaḍn (alγuγen, héros) d inemγurn ad tra a tn tsers tama-ns ssuteln-as, tadamumt tamaynut! G tafukt n yan ufrak iγudan teḥmel ad treqqa — nettat, aγẓen ikermen! I k˚ennin tra ad tefk kulci, mac γas zdat nns k˚ennin nit iγ ar tbendaqem, ar tt-tteεbadem, tadamumt tamaynut! Ukan ar tessaγ asmerγa n udem-nnun d usemmaqel n wallen-nnun iburzen (fiers). A k˚en-id-tawk d wid igguten-bahra-bezzaf, uyad ad tra! Yih, jahennama ad daddeγ skern, ayyis n tmettant abiḍar ilsan udem n uddurn n rebbi! Yih, aṭas a mi skern γid yat tγarast ma s ttemtaten, tga ixf nns d tudert; g tidett, γas yan ujmil n taymatt i akk˚ imelluya n tmettant! Awanek, ssaγeγ-t (semmaγ-t) i wansa g akk˚ ssan aγejdid (poison), iḥlan neγ d ixcenn; Awanek, ansa g tteggan ag˚ri i ixfawen-nsen, fulkin neγ d gan gar; Awanek, ansa g s lḥil ar akk˚ neqqan ixfawen-nsen — d uya a mi ttinin « tudert ». Annayat ukan imcayḍen-ad! S uγendef (frauduleusement) ar tetṭfen iskaren (ouvrages) n imeγniten d igerrujen (trésors) n imusnawen: tawessna, hati assaγ-ad (isem) ad akkan i tizbi-nsen (rapine) — d kulci yuγal-asen d atṭan d umduhdu! Annayat ukan imcayḍen-ad! Bedda ttaḍenn, bedda ar tterran imirẓig (la bile), ssaγen-as aγmis. Kra ar itetta (icetta) kra, d ad zẓaḍen ger-asen ur akk˚ ẓḍaren. Annayat ukan imcayḍen-ad! Ar tterbaḥen aqariḍ d ibγern (richesses), s-isen ar tteggan imeẓlaḍ. Tadusi ad ran, tadusi aseγlay nns (levier) zwar, gigan n uqariḍ, — id- war-ayda-ad (id war tadusi)! Annayat-ten ar aqlayen, ibuγas-ad (izeεḍaḍ) ifessusen! Fad ad ttmezwaren, ar aqlayen kra xef kra, ḍern-enn ilemma g ubluẓ d wasa (fond). Adabu (trône) ad ran akk˚ a t-awḍen; ahtitr-nsen (délir) ayad — zun d tgawr (tγejdem) tumert (tanafa, la joie) xef udabu! Tikkal ggutnin ar itgawar ubluẓ xef udabu — d tikkal ggutnin diγ ar itgawar udabu xef ubluẓ! Imsehtitern (les délirants), ad gan akk˚ γeri, d ibuγas yaqlayn d imerfan (le surchauffés). Γeri, tresṣeḍ (tejjε), tadamumt-nsen, aγẓen ikermen ; γeri, resṣḍen akk˚ qqaḥ-nsen, imessizar (les idôlatres) ! G tzamma (exhalaisons) n igenfar-nsen (iḍermusen, gueules) d tin iẓuzḍen-nsen, a aytma, is tram ad tex˚sim (étouffer)? Rẓat tajjajin, tazzelm s waḍu illilen (libre) ! Seg tujjut-ad, rewlat ukan ! Seg waggu n tfaskiwin-ad (asfeln, sacrifices) tinefganin anfat (ṣécarter)! Ilelli i id bu-tasa a sul iga γilad Akal. Urant (xwant) sul mennawt n temnaḍin i ineẓlay (solitaires) d ineẓlay ganin sin, nna g sul tekkat tujjut n illen (mers) izgan. Tilellit i id bu tasa a sul tga tudert tilellit. G tidett, wanna itṭafen imi-k ur akk˚ itwatṭef; iḥla wassar (aẓlaḍ) mezẓiyen! Inna g ur illi Awanek, ka g issentiy (ibeddu) ufgan nna ur iciḍn, ka g issentiy urar n waccil (nécessaire), tazwayt (mélodie) tawlawalt (unique), ur ittenfaln (irremplaçable). Inna g ur illi Awanek, — ka g tsuqqulm, a aytma! Izd ur tent tannaym, tislit n unẓar d tlegg˚a (ponts) n ufafgan (afgan amattay, le surhomme) ?— Γikad a s isawal Zaratustra.

Seg : Γikad a s isawel Zaratustra, Nietzsche asuγl : Larbi Moumouch

Isaɣuln[ssnfl | Snfl asagm]