Talɣa:Aggur:Tunnunt/Amzzu ittyustayn
Akrwas n umaḍal n tkurt n uḍar 2018 (s trusit: Чемпионат мира по футболу FIFA 2018) tga tabrza tiss 21 zɣ tbrziwin n ukrwas n umaḍal n tkurt n uḍar iẓlin s tsḍmiwin tinamurin n irgazn, ittuskar ddu umalu n tamunt tagraɣlant n tkurt n uḍar (FIFA) ɣ tmazirt n Rusya zɣ 14 yunyu ar 15 yulyuz 2018. Tigira n taɣtst n tsdawit tagraɣlant n tkurt n uḍar (FIFA) nna ifkan izrfan n usnubg i trust ass n 2 dujanbir 2010. Iga ukrwas n umaḍal 2018 walli rad ittuskir tikklt tamzwarut ɣ uruppa tagmuḍant, d tikklt tiss yan d mrawt ɣ uruppa. Tikklt tamzwarut rad tettuga tbrza ɣ sin imnẓawn; uruppa d asya. Kullu isurar nna ɣ rad ttuskirn imnalatn llan ɣ Rusya tawruft abla yan, afad ad ur yigut wakud n umuddu zɣ tmdint s tayyaḍ. Iga umundyal n trust 2018 walli mu akk yuli watig n uḥyyl nns ɣ umzruy, ilkm uggar n 14.2 mlyar n ḍular.
Amunt ɣ tgariwin n ukrwas n umaḍal 2018 32 n tsḍmiwin tinamurin, 31 gisnt zrind ɣ tmssinfin n ukrwas n umaḍal 2018, amma tasḍma tarusit tzri s uwrman acku tga Rusya tamazirt nna ɣ izri ukrwas ad. Gr 32 n tsḍmiwin llant 20 amunt ɣ tbrza tamggarut 2014 ɣ Brazil, gisnt tasḍma talimant nna ittnzaɣn f ukrwas lli tiwi 2014, ɣ tsga yaḍn llant tsḍmiwin nna yamun ɣ tgariwin n umundyyal tikklt tamzwarut ɣ umzruy nnsnt, zund tasḍma tanamurt tabanamit d tsḍma tislandit. Ttuskarn 64 n imnalatt ɣ 12 n usuras ɣ 11 n tmdint, amnala amggaru ittyurar ɣ usurar Lujniki ɣ tmaẓunt Musku ass n 15 yulyuz 2018. Tiwi Fransa akrwas n umaḍal tigira n mayad tnra Krwatya ɣ umnala n tgira s kkuẓt n tmswitin mnid n snat.