Talɣa:Amgrad n ɣassad 2

Zɣ Wikipedia
Aller à la navigation Aller à la recherche
Tawlaft n ṛṛays Muḥmmad Albnsir.

Iga Muḥmmad Ajaḥud (1937-1989) ittussann s rrays Muḥmmad Albnsir nɣ Ddmsiri ṛṛays d unaẓuṛ n uẓawan ittussann bahra ɣ ugns ula ɣ bṛṛa n tmazirt, ilul ɣ 1936 ɣ Tamsult tama n Tarudant d Imi n Tanut ɣ taqbilt n Dmsira, wayni izri mnaw isgasn ɣ Tigmmi Tumlilt.

Iḥsa lqṛan ɣ tmzgida n tmazirt nns ɣ tmẓi nns, wayni ifaɣ aykat ribab ayliɣ itawsan ɣ 1963. ɣkodan ayfta aytirir ɣ timizar n urupa zund Fransa, Bljika, Lalman d Swisra.

Issnti ar ittiri amarg d uẓawan sg mẓẓi nns, lliɣ iskr rribab nns srs iẓlin, d lliɣ issnti ar issflid i imurign n rrways bahra ttawssanninzund lḥajj blɛid d bubakr anccad, immaɣ ula ar ittaws ɣ tfugliwin d iwizn n imurig d uẓawan ttilinin ɣ tmazirt nns d tsggiwin nns

Ɣ tɛɛurma nns, izug s bṛṛa n tmazirt, iskr imuddutn s mnnawt tmizar ɣ uṛubba, mac ɣ tgira isti ad ig rrays d unaẓuṛ, issnti ilmma ar iskar amarg d tssfifin ɣ isawl f kigan n imrsiwn lli dar tazdayt d tmukrisin n tudrt d wamun d tsrtit d tdmsa d usgd. aylliɣ akk iga s ixf nns d umarg nns yat tinml iẓlin ɣ yigr n uẓawan d imurig amaziɣ ɣ d ffɣn inaẓuṛn yaḍnin ttawssannin zund faṭima tabaɛmrant d wiyyaḍ.

Ifl d ṛṛays albnsir tugt n tssfifin n umarg d tugt n tmdyazin, ismun umrzu d umara amaziɣ muḥammad mustawi tukt gisnt ɣ idlisn lli d ffɣnin ɣ mnnawt tẓṛigin ggutnin.