Ul
Ul (Amagut: Ulawn) iga yat tgaliḍt ibgan ɣ wagʷns-nns, illan ɣ yidmarn n yimaddarn d ar tssiwis ɣ usara n yidammn ar ilmma tskar tawuri n yat talbumbt inggun idammn s akkʷ tislaḍ d igmamn n tɣssa. Ul dar urgaz ar tlkkm taẓayt-nns 270g d ɣ unck n yan ukkim ad ila.
Ul iga yat tslaḍt tanmɣurt acku ur tettyawẓḍaṛ tudrt bla tilit-nns.
Ul n ufgan
[ssnfl | Snfl asagm]Ansa nns:
[ssnfl | Snfl asagm]Ul iṭṭaf ansa nns ɣ gr turin, macc iwala yan imikk tasga taẓlmaḍt, yili ɣ dat n uswir anadday n umazgn (Mediastiunus), yili nnican ɣ tɣrdin n yixs n idmarn, iskkiws f iggi n yilmdis.
Tuṣkiwt nns:
[ssnfl | Snfl asagm]Ul ila talɣa n yan uzamug, gi-s yan wafa iwalan izddar d dat, gi-s yat tasila iwalan aflla d tɣrdin, dar-s kṛaḍ n wudmawn.
Ul gi-s kkuẓt n tifritin ttyawbḍanin s taṣṭaṛin (cloisons), ibḍa zwar s sin wulawn: ul Afasi (win usara imẓẓiyn) d wul aẓlmaḍ (win usara imqquṛn), d kra iga-t yan gi-tsn, ittyawskar s s snat tifritin : yat tamzzuɣt d yat tadist.