Barsaluna
.jpg)
Barsaluna tga yat tɣrmt ɣ tsga n iẓẓlmḍ n usammr n Sbanya. Nttat ad igan tamaẓunt d tɣrmt imqqurn n tmnaḍt idrfin n Katalunya, tg daɣ tiɣrmt tis snat s wuṭṭun n imzdaɣn ɣ Sbanya. S 1.6 id mlyun n imzdaɣn ad tuma ɣ mad tgli, asarag nns uɣrim ar d ittflay ad icckcm ula tasgiwin tadjarin, ig tigmmi i 5.8 id mlyun n middn, ɣaylli gis ittggan tiɣrmt tis smmust s itrrasn ɣ tamunt Turubbit tiɣrdin n Bariz,d laḍṛaf n Ruhr,d Madrid d Milan. Tga yat sɣ tmnaḍin mqqurnin da ttaggʷanin s yill Agrakal, tucka d ɣ uftas gr imawn n iɣzran n Llobregat d Besòs, tettgli sɣ tsga n utaram s isrsl n idrarn n Serra de Collserola.
Amzruy
[ssnfl | Snfl asagm]
Lliɣ tettyawrsal Barsaluna tga yat tɣrmt tarumanit, ɣ uzmz anammas Barsaluna tga dɣ akud ann tamaẓunt n mad mi ismn tamazirt n Barsaluna. tmun d ilmma d Tgldit n Aragon afad ad skrn amqqun n isni n Aragon, Barsaluna da sul ismadn ad tg tamaẓunt n tmnaḍt n Katalunya, turri d tga tiɣrmt inyafn ɣ isni n Aragon d yat tuẓẓumt tadamsant d tamsuggurt n isni lliɣ tt tiwi Valencia, ur ta tettyawkkas i uslimuṛ n Imuslmn s ifassn n Ikatalann, imikk hlli zwar tamunt tagldant gr isni n Qctala d win Aragon ɣ 1492.
Barcelona turri d tga tamaẓunt imqqurn n tbḍit n Ikatalann, tkka yat tizi tga gis yan ugzzum ɣ Fransa ɣ tasut tis 17 ɣ imnɣi n Imgrawn izrin ɣ usra ngr 1812 ar 1814 ddu tnbaḍt n Nabulyun. Turri d daɣ tga tamaẓunt n Katalunya tagrawlit ɣ tgrawla Tasblyunit n 1936, tg asggawr n tnbaḍt n tgduda tasblyunit tis snat ɣ imnɣi uɣrim n Sbanya, aylliɣ fllas kkan ifaciyn ɣ 1939. Ɣ mad d ikkan mnid n usmatti asbanyuli s tadimuqratit ɣ ulatay n 1970, Barsaluna turri d daɣ tga tamaẓunt n Katalunya inbḍn iman nns.
Tadlsa
[ssnfl | Snfl asagm]Barsaluna tla yat tmagit tadlsant iflujjan, tga ɣassad yan iẓẓi adlsan imqqurn d yat tnila i imallayn. Ar bahra tettyawssan s twuriwin timsdagiyn n Antoni Gaudí d Lluís Domènech i Montaner, wada ittyawstayn sɣ dar UNESCO ad ig yat taysi tamaḍlant. Tiɣrmt ad tga tigmmi i sin sɣ tsdawiyin fulkinin ɣ Spanya: Tasdawit n Barcelona d Tsdawit n Pompeu Fabra. Tagrarin n tamunt n yill agrakal llant gis. Tiɣrmt tettyawssan daɣ s usnubg n wurarn ulambiyn n unbdu n 1992 ula nit s igrawn d tẓṛigin n umaḍal. Ɣ irni, mnnaw iturnwatn n tunnunt ar ttnmalan ɣ dɣid.
Aẓuṛ n ism
[ssnfl | Snfl asagm]Ism n Barcelona ittyawnẓa ɣ wawal aqbur ahibiri s Baŕkeno, ittyafa ɣ kra n iẓgyan n uqarid indin ɣ tsga tafasit n uqarid s tira tahibirit s , ɣ isugam igrikin iqburn s Βαρκινών, Barkinṓn; s talatinit s Barcino, Barcilonum d Barcenona.
Kra n isugam n zikk ar ttinin is d tɣrmt ad iẓḍaṛ ad d tiwi ism nns sɣ dar umzwar aqrṭaji Hamilcar Barca f ittyawnna is d nttan ad tt ibnan ɣ tasut tis 3 dat n tlalit, macc ur illi kra n wanẓa yakuln is d Barsaluna tga kra n tɣrmt taqrṭajit, niɣ d is d ism nns aqbur ayann, Barcino ila kra n uzday d twja n Barca n Hamilcar. Ɣ uzmz anammas, tiɣrmt tga s ism Barcinuna d Barsaluna d Barsiluna.
Tutlayt
[ssnfl | Snfl asagm]Tasblyunit ad igan tutlayt akkʷ da bahra ittyawsawaln ɣ Barsaluna (ɣikad ad inna ussiḍn n tutlayin da tskr tnbaḍt n Katalunya ɣ usggʷas n 2013) d tutlayt da akkʷ ttakzn mddn. Takatalant dɣ nttat tlla nn ɣ tɣrmt: 95% n imzdaɣn ar tt ttakzn, is ka 72.3% mln ad srs sawaln, 79% ẓḍaṛn ad tt aqqran, d 53% mln ad srs ttaran. Tawssna n tkatalant tɣli bahra ɣ isggʷasn ad ggʷranin s umntil n usslmd s tutlayt ad. Tiɣʷrdin n tkatalant d tsblyunit, tutlayin yaḍnin nna akkʷ bahra ttyawsawalnin ɣ Barcelona ad tnt igan d tin Tafriqt n iẓẓlmḍ, zun d tamaziɣt d taɛrabt.
Asgd
[ssnfl | Snfl asagm]Ɣ 2007 taggat n imzdaɣn nnan is gan ikatulikiyn (208 ikanisn). Ɣ yan ussiḍn da f yiwi InfoCatólica ɣ 2011, 49.5% n imzdaɣn n Barcelona s akkʷ iwtayn nnsn nnan is gan ikatulikiyn, tg ilmma tawala tamzwarut da ɣ ur inin uggar n uzgn n middn is gan imasiḥiyn ikatulikiyn. Uṭṭunn ad ar mmalan yat tnfalt tamqqurt ɣ Sbanya. Ɣ 2019, yan ussiḍn iskr t Centro de Investigaciones Sociológicas iml is d 53.2% n imzdaɣn n Barcelona nnan is gan ikatulikiyn.
Tamallayt
[ssnfl | Snfl asagm]Barsaluna tga tiɣrmt tis 20 s akkʷ bahra rzzfn imallayn imaḍlann, tg tis smmust ɣ Uruba tiɣrdin n Lunḍun, Bariz, Isṭambul d Ruma, s 5.5 id mlyun n imallayn imaḍlalnn ɣ 2011. Ar 2015, Brag d Milanu ula nttni darsn uggar n imallayn imaḍlann. S tasukt nns Las Ramblas, itkarn s taddagin, Barsaluna tga tiɣrmt tamzwarut da akkʷ bahra ran middn ad as rzfn sɣ tɣmrt nna illan ɣ Sbanya.
Tadlsa
[ssnfl | Snfl asagm]Barsaluna tga yat tnila bahra ittyawssann ɣ ddunit, s isaragn nns ggutnin i usfjjij, ula s yan ɣ iftasn da akkʷ fjjijnin ɣ uma d u, anginns gt izwuzwan irad n, idɣarn iqb is akkʷ n, gtams 8 idɣarn da kcmnin ɣ UNESCO ilin ɣilad yan watig amaḍlan, llan ɣ tɣrmt 519 n isnsa ar mars 2016 ilin gisn 35 isnsa n 5 itran, tssn yan uflujju n tuṣkiwt n wadday iẓlin s imallayn.
Mnid sul
[ssnfl | Snfl asagm]• Madrid