Tizʷrgan (Ayt Wafayaḍ)

Tizurgan nɣ Tizrgan (s tfinaɣ : ⵜⵉⵣⵯⵔⴳⴰⵏ tizʷrgan) iga yan udwar iwala i tqbilt n Ida Ugniḍif ɣ Wactukn-Ayt Baha, tsga n Sus-Massa ɣ tmazirt n Lmɣrib. Iwala udwar ad i talmacixt n Ayt Wafayaḍ nna ɣ llan 30 idwarn yaḍni. Ar ittini usiḍn lli ittyuskar ɣ usggʷas n 2004 mas uḍwar ad zdɣn gis tqriban kra n 32 umzdaɣ d 11 n tawjiwin.

Aẓur n yism

Ur illi kra n aẓur iṣḥan i wawal ad n "Tizurgan". Llan kigan n iẓuran d ku yan d mad ittini aylliɣ ur sul nssn manta gisn ad iṣḥan. Aẓur nna akk gisn ittawssan iga tt mas ism ad n "Tizurgan" ikka d "Tin + izurgan (amagut n Azrg)", yili daɣ mad ittinin mas d awal ad ikka d "Tizi n wargan".

Tarakalt

Adɣar nna ɣ illa udwar ad iwala i Ida Ugniḍif ɣ yat tuggugt n 100 km ɣ iffus n tamdint n Ugadir, ɣ yan wafa n idrarn n waṭlas mẓẓiyn nna ɣ tlkm tattuyt kra n 1500 m tqriban. Illa udwar ad gr Ayt Baha d Tafrawt, ar nit fllas izray uɣaras lli d isman timdinin ad s sin. Bnan imaziɣn n ida ugniḍif iɣrm ad ɣ iggi udrar fad ad ḥmun iguyya nnsn d ad darsn tili yat tannayt ɣ ikaliwn n tqbilt att ur ikcm mad ihrcn.

Amzruy

Zund tqriban akk idɣarn nna ɣ llan imaziɣn, ur llin kigan n warratn isawaln f umzruy n iɣrm ad. Imzdaɣ n udwar ad gan tuggt nnsn mustaqirrin, kkantinn ddrn s ɣayli asn yakka akal nna krzn d imudar nnsn yɛni middn ɛtamdn f iguyya nnsn.

Tiwlafin

• 
  Tawlaft iqburn yan imik n Tizurgan
• 
  Tizurgan
• 
  Tigumma n uẓru n Tizurgan
• 
  Tizurgan d Tiwlit

Ɣaylli sis izdin

Kommons yan ɣ isnfaṛn n wikimidya tufit ad gis taggʷt: Tizurgan.

Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.