Almuggar n urdlim
| Almuggar n urdlim/ḥbb lmluk مهرجان حب الملوك/الكرز | |
|---|---|
 Acnyal n tmnaḍt n Ṣfṛu, gis tamatart n urdlim d tin tammnt nna tettwassn tmnaḍt. | |
 Tamatart n tmaddast n tmttin imunn i usgmi d tmassant d tdlsa. | |
| Umlan imatayn | |
| Asakud n usnti | 1920[1][2] |
| Tamdint | Ṣfṛu |
| Tamazirt |
 Lmɣrib |
| Addad | Taysi tadlsant tarkmamt |
| Azmmem ɣ yunisku | 2012[3] |
| Ansa n uwin | Ansa amaddud n ulmuggar |
Almuggar n uldrim nɣ Almuggar n ḥbb lmluk (s Tɛṛabt: مهرجان حب الملوك nɣ مهرجان الكرز), iga yan zɣ ilmuggarn imdnann izaykutn ɣ tmazirt n Lmɣrib, ar itturray umzruy nns ar isggʷasn imzwura n tasut tis 20, ar ittyawskar kraygat asggʷas ɣ tmdint n Ṣfṛu zɣ usggʷas n 1920[1][2]. Ar d srs ttackan tugtt n imallayn zɣ ugns n Lmɣrib ula bṛṛa nns. Ar gis ittyawskar yan umḥizwar i trbatin fad tettyawstay tad rad tagllidt n wafulki n urdlim.
Ar tettili tfugla n ulmuggar n urdlim ɣ wayyur n yunyu kraygat asggʷas, kudnna zzrn imkrazn tayafut n urdlim, ar tettkka tfugla ad kṛaḍ wussan, zɣ wass wis 13 ar wis 16 ɣ wayyur n yunyu[4]. Ar gis sfuglun imzdaɣn n Ṣfṛu d inbgiwn nnsn s tyafut n urdlim, ar gis ittili ufulkluṛ amɣribi zun d trubba n uḥidus d umawal[1] (ttbuṛiḍa).
Tzmmim Tmaddast n tmttiwin imunn i usgmi d tmassant d tdlsa (yunisku) almuggar n urdlim ɣ tlgamt n yunisku i taysi tadlsant tarkmamt n tffugna ɣ usggʷas n 2012.[3]
Amzruy[ssnfl | Snfl asagm]
Tga twngimt n usfuglu s ugmmu n urdlim tin Byir sugan, anbbaḍ n tmdint n Ṣfṛu ɣ uzmz n usdurri afṛanṣiṣ, yiwi tt id zɣ tfugla nna tskar tmazirt n Ulfi nna illan ɣ tama n tmdint n Tuluz ɣ Fṛanṣa, tettywssann awd nttat s ugmmu n urdlim. Issnɣl d akkʷ imussutn nna ttyawskarnin ɣ Ulfi, ar ttywskarn ula ɣ Ṣfṛu, ɣ nit iga ustay n tgllidt n urdlim/ḥbb lmluk.[5]
Ikka tt nn usfuglu s ugmmu n urdlim/ḥbb lmluk alliɣ bḥṛa inta ɣ usggʷas n 1920[1][2] d isggʷasn lli t ḍfṛnin ar ittgga ɣar yan uḥarraf, ar ittkka tiswak n tmdint n Ṣfṛu, tizwur as yat tzayuyt ittuskirn ɣ uɣanim sslsn as timlsit n twtmt.[5]
Innfl yism n ulmuggar ɣ usggʷas n 1934, ig ilmma yism nns amaddud "almuggar n urdlim/ḥbb lmluk", tnnfl gis ula tzayuyt n uɣanim, ilint trbatin tiṛumiyin d tudayin ɣ udɣar nns, ar nn ttggant taɣnnant manta gisnt rad ig tagllidt n urdlim, tg tfṛanṣawit Suzan Biṛnaṛ tarbat tamzwarut nna yiwin isni n tgllidt n urdlim ɣ usggʷas n 1934.[5] Tattuy ilmma tɣnnant alliɣ bdant trbatin timslmin ar drrunt ula nttnti ɣ tɣnnant.
Ɣ tsutlt nns tis 98, innuṛẓm uluggar tiggura nns i tfafkayin n umaḍal d tmɣribiyin lli zdɣnin ɣ bṛṛa fad drunt ula nttnti ɣ umḥizwar n tgllidt n wafulki n udlim.[6]
Imussutn n ulmuggar[ssnfl | Snfl asagm]
Ar ttuskirn mnnaw imussutn ɣ ulmuggar n urdlim ɣ tɣzi n imalass; llan imussutn n tdlsa, taẓuṛi, tunnunt, tadamsa, d ufjjej, zun d amawal d isfsar n tẓuṛi, ilin gis ula idɣarn ẓlinin s tmsmunin d tmyawasin nna fssrnin ar zznzant afars nnsnt adɣaran awsnt ɣ tnflit tadamsant n tmnaḍt nnsnt. Macc imussutn lli ttuskirnin ɣ kṛaḍ wussan imaddudn n ulmuggar ad bahra istwhmman, ar ittawin tiṭ n ugdud.[7]
Ar yadda wass amzwaru n ulmuggar s ustay n tgllidt n ḥbb lmluk/urdlim, d tmsnayin nns, d snat tslatin; yat isawaln Taɛṛabt d yat isawaln Tamaziɣt, ibdu wis sin wussan s uḥarraf n isfḍawn, ilmma ɣ wis kṛaḍ wussan ar tlssa tgllidt n urdlim isni nns, ssutlnt as tmsnayin nns, tssudu yat tmssudut iṛẓmn ɣ iggi, ar tzzigiz ɣ uḥarraf.[8]
Tagllidt n wafulki n urdlim[ssnfl | Snfl asagm]
.jpg)
Zɣ tfadiwin lli d iqqan ad ilint ɣ tanna iran ad tdru ɣ umḥizwar n tgllidt n wafulki n urdlim, ad tg tamɣribiyt, ad yili wawtay nns gr 18 ar 26 n isggʷasn, ad dars ur ilin imukrisn n tɣdmt, ad ur tidrus tɣzi nns i 1 mitru d 65 ṣanṭim, ad ifalki uswir nns ɣ tussna tamatayt, ad tssn mnnawt tutlayin, ad tiẓḍiṛ i twuriwin tinamunin, d kra n tɣawsiwin yaḍnin[9]
Almuggar ɣ tfugliwin yaḍnin[ssnfl | Snfl asagm]
Idru unmuggar n urdlim ɣ mnnawt tfugliwin ɣ ugns n Lmɣrib ula bṛṛa nns:
- Tadrawt n unmuggar ɣ tmdint n Finyula ɣ Ṭalyan.
- Tadrawt n ulmuggar ɣ Ulmuggar n ṬanṬan.
- Tadrawt n ulmuggar ɣ Imaṛat Ccariqqa.
Iwiz agldan f ulmuggar[ssnfl | Snfl asagm]
Ar ittuskir ulmuggar ɣ ddu yiwiz n ugllid Muḥmmad Wis ṣḍiṣ zɣ usggʷas n 2010, aylli as ifkan yan usnal bahra idusn, issimɣur addur nns gr ugdud amɣribi d imallayn.[10]
Asmil n ulmuggar ɣ yunisku[ssnfl | Snfl asagm]
S tuttra n tmawast n tdlsa nna iṣkan f usdaw nna tḥyyl tgrawt n Ṣfṛu d wamun amadan, tɣts tsqqimt immagln s uḥṭṭu n taysi tarkmamt ɣ tsutlt nns tis sat nna ittusɣimn ɣ tmaẓunt n Fṛanṣa, bariz, zɣ 3 ar 7 Yunyu ɣ usggʷas n 2012 ad tsmil Almuggar n urdlim ɣ tlgamt n Tmaddast n tmttin imunn i usgmi d tmassant d tdlsa (yunisku) nna iẓlin s taysi tadlsant tarkmamt n tffugna.[3][11]
Tussra n ulmuggar[ssnfl | Snfl asagm]
Ẓɣ mad inta ulmuggar n ḥbb lmluk ar bdda ittili kraygat asggʷas, ur jjun ibbiy amr kṛaḍ isggʷasn ad ggʷranin 2020, 2021 d 2022 s usrag n imukrisn isrtan gr igmamn n usqqim agrawan n Ṣfṛu d ubayyuṛ n kuṛuna.[12]
Izdayn n bṛṛa[ssnfl | Snfl asagm]
Ansa amaddud n ulmuggar n urdlim
Isaɣuln[ssnfl | Snfl asagm]
- ↑ 1,0 1,1 1,2 et 1,3 (S Tnglizt) The Sefrou Cherry Festival 2022. Safaa (founder of moroccanzest) ɣ moroccanzest. ittuẓṛa ɣ 30 Maṛṣ 2023.
- ↑ 2,0 2,1 et 2,2 (S Tnglizt) The cherry festival of Sefrou: A UNESCO Heritage. Sara El Bekri ɣ Morocco World News. 11 Innayr 2013. Ittuẓṛa ɣ 30 Maṛṣ 2023.
- ↑ 3,0 3,1 et 3,2 (S Tnglizt) Cherry festival in Sefrou. ICH UNESCO. Ittuẓṛa ɣ 30 Maṛṣ 2023.
- ↑ (S Tnglizt) UNESCO Listed Sefrou Cherry Festival to Take Place From 13 to 16 June. Margot Eliason ɣ morocco world news. 29 Mayyu 2019. Ittuẓṛa ɣ 30 Maṛṣ 2023.
- ↑ 5,0 5,1 et 5,2 (S Tɛṛabt) تاريخ مهرجان حب الملوك. .الموقع الرسمي لمهرجان حب الملوك Ittuẓṛa ɣ 30 Maṛṣ 2023.
- ↑ (S Tɛṛabt) مهرجان "حب الملوك" ينفتح على جميلات العالم. Hespress. 21 Yunyu 2018. Ittuẓṛa ɣ 30 Maṛṣ 2023.
- ↑ (S Tɛṛabt) افتتاح فعاليات مهرجان حب الملوك في دورته الـ99. Mapecology. 13 Yunyu 2019. Ittuẓṛa ɣ 30 Maṛṣ 2023.
- ↑ (S Tɛṛabt) بالصور: اختتام فعاليات مهرجان “حب الملوك” بالاستعراض التقليدي لموكب الملكة ووصيفاتها. Elhadat24. 30 Mayyu 2016. Ittuẓṛa ɣ 30 Maṛṣ 2023.
- ↑ (S Tɛṛabt) للراغبات في الترشح لمسابقة ملكة الجمال .. هاته هي الشروط و كيفية المشاركة؟. 12 Mayyu 2014. Ittuẓṛa ɣ 30 Maṛṣ 2023.
- ↑ (S tɛṛabt) مهرجان حب الملوك. Ittuẓṛa ɣ 30 Maṛṣ 2023.
- ↑ (S Tɛṛabt) مستجدات المهرجان. الموقع الرسمي لمهرجان حب الملوك. Ittuẓṛa ɣ 30 Maṛṣ 2023.
- ↑ (S Tɛṛabt) مهرجان حب الملوك يغيب عن صفرو للمرة الثالتة . Flach24. 14 Yunyu 2022. Ittuẓṛa ɣ 30 Maṛṣ 2023.
