Ayt Urir

Ayt Urir

tagrawt, commune du Maroc

Ism amaddud	أيت أورير, Ait Ourir
Ism ɣ tutlayt taẓuṛant	‫آيت ورير‬, ⴰⵢⵜ ⵓⵔⵉⵔ
Tamazirt	Lmɣrib
Asdɣr amssugur	Tamnaḍt n Lḥawz
Ismlan ijɣrafiyn	31°33′52″N 7°39′46″O

Tga Ayt Urir yat tiɣrmt. Tlla ɣ tmnaḍt n Lḥuz ɣ tsga n Mrrakc-Asfi ɣ tmazirt n Lmɣrib. Ar ittini usiḍn lli ittuskarn ɣ 2014, mas d 39 108 n yan ad izdɣn ɣ tmdint ad, nẓḍaṛ ad nini mas ilkm uṭṭun n imdaɣ ɣ 2020 s 52 288 umzdaɣ.

Tarakalt

Tlla Ayt Urir ɣ iffus-agmuḍan n uzaɣar n Lḥawz, taggug f tmdint n Mrrakc s kra n sin id mraw d sa n id kilumitr. Tettubna ɣ tmi ngr idrarn n waṭlas mqqurn d uzaɣar, ɣ yat tattuyt n 670m. Ar gis izzray wasif n Zat ɣ tsga n iffus n tmdint, asif ad iga yan ɣ isaffn n Tansift lli bahra istawhman, Nttan ad igan waggur n ukccum n Imi n Zat, yat tsukt n 8 id kilumitr nna ɣ llan tugt n waddagn d imɣyan.

Tadimugrafit

Tga Ayt Urir tamdint lli akkʷ imqqurn ɣ tsga n Lḥawz (mqqar Taḥnnawt ad igan tamaẓunt n tsga), tssn tadimugrafit n Ayt Urir zɣ tigira n tasut tis xx^e yat tisri tamakat, lliɣ izri wuṭṭun n imdaɣ zɣ 12 162 ɣ usggʷas n 1994 ar 20 005 ɣ 2004. Tisri ad tɣamann ɣmkad ɣ isggʷasn n 2000 d 2010, iɣli wuṭṭun n imdaɣ n tgrawt ar 39 108 ɣ 2014. Amata n imzdaɣ n tmdint ad gan imslmaziɣn, 73% n imzdaɣ n tgrawt gan imsiwln n tutlayt taclḥit.

Assay

Tga Ayt Urir tamdint tamqqrant n ubddad ɣ uɣaras anamur 9 lli d itzdin Mrrakc d Warzazat. Aɣaras anamur 9 da izzray ɣ iffus n tmdint qbl ad ikk umnid n adrar n Drn d ad ikmml tasawnt nns ɣ Tizi n Ticka. Tzdi daɣ Ayt Urir d Tnin Urika (25 id kilumir ɣ iffus-ataram) d Sidi Rḥḥal (23 id kilumir ɣ izzlmḍ-agmuḍan) s RP 2010.

Ɣ yat tuggugt n 27 id kilumitr f tmdint n Mrrakc a ɣ tlla Ayt Urir, ayann af ɛdln yan ubrid igan ikspriss gris d mrrakc ɣ 2017. Ɣ 2019, Ssxdmn g Ayt Urir sin izriran n ṭṭubis ad tn igan d:

•  29  Bab Aɣmat - Ayt Urir
•  40  Taḥannawt - Ayt Urir izzrayn f Tnin Urika

Asnmkta

Ar ittini usiḍn lli ittyuskar ɣ usggʷas n 2014 mas:

Aslmd

• Tigmiḍi n taqubbanit (middn lli ur ssin ad aqran wala ad ttaran) : 28,1%.
• Tigmiḍi n imzdaɣ lli iɣran ar usinan n usmdi nɣd uggar : 15,4%.

Tadamsa

• Tigmiḍi n imzdaɣ lli llan ɣ isggasn nnsn n twuri : 44,3%.
• Tigmiḍi n tarwuri (middn lli ur ṭṭafn tawuri) : 14,3%.
• Tigmiḍi n imzdaɣ lli swurin dar lmxzn (nɣ kantin swurin gis) : 13,8%.
• Tigmiḍi n imzdaɣ lli swurin ɣ uslig (nɣ kantin swurin gis) : 53,7%.

Ɣaylli sis izdin

Kommons yan ɣ isnfaṛn n wikimidya tufit ad gis taggʷt: Amẓmiz.

Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t.