Imi n Tanut
| Imi n Tanut | |
|---|---|
 | |
| tagrawt | |
| Ism amaddud | امنتانوت, Imintanoute  |
| Ism ɣ tutlayt taẓuṛant | إيمنتانوت, ⵉⵎⵉ ⵏ ⵜⴰⵏⵓⵜ |
| Tamazirt | Lmɣrib |
| Asdɣr amssugur | Chichaoua |
| Ismlan ijɣrafiyn | 31°10′37″N 8°51′2″O |
 | |
Iga Imi n Tanut (s tifinaɣ : ⵉⵎⵉ ⵏ ⵜⴰⵏⵓⵜ) yan yiɣrm ɣ tmazirt n Lmɣrib, illa ɣ tsga n Mrrakc-Asfi ɣ tmnaḍt n Cicawa, illa ɣ ɣ uɣaras gr Ugadir d Mrrakc ɣ idrarn n Waṭlas mqqurn (adrar n drn). Taga d Mrrakc kra n 128 km ɣ unẓul utrim. Zdɣn ɣ tmdint ad 20 837 umzdaɣ ɣ usggʷas n 2014. Tettussan bahra tmdint ad s uḥwac nns.
Aẓur n yism
[ssnfl | Snfl asagm]Imi n tanut tga yat tguri tamaziɣt taclḥit lli d isnamkn "imi n iɣbula" nɣ "tama n iɣbula", Tanut tga zun d iɣ tnnit kra n uɣbalu n waman, llan tugt n ismawn n idɣarn ɣ Sus amqqran nɣ d tmazirt n iclḥiyn ilan talɣa ad, ar nttafa s umdya Imi n Ddunit, Imi n Waday nɣ d akkʷ Imi n Tili.
Tarakalt
[ssnfl | Snfl asagm]Tlla mdint n Imi n Tanut ɣ iwtta n tsga n tagut n udrar n drn (aṭlas mqqurn) ɣ ugafay d unẓul imma ɣ tsgiwin nns yaḍnin ar nttafa azaɣar. Ar gis izray yan wasif lli d itkkan idrarn, mac ar t ittiliḥ ɣ wussan n unbdu.
Asnmkta
[ssnfl | Snfl asagm]Ar ittini usiḍn lli ittyuskar ɣ usggʷas n 2014 mas[1]:
Aslmd
[ssnfl | Snfl asagm]- Tigmiḍi n tqubbanit (middn lli ur issinn ad aqqran ula ad ttaran) : 30,1%
- Tigmiḍi n imzdaɣn lli iɣran ar usinan n usmdi nɣ d uggar : 15,3%
Tadamsa
[ssnfl | Snfl asagm]- Tigmiḍi n imzdaɣn lli llan ɣ isggʷasn nnsn n twuri : 42,8%
- Tigmiḍi n tarwuri (middn lli ur iṭṭifn tawuri) : 14,6%
- Tigmiḍi n imzdaɣn lli swurin dar Lmxzn (nɣ kantin swurin gis) : 18,7%
- Tigmiḍi n imzdaɣn lli swurin ɣ wuslig (nɣ kantin swurin gis) : 34,7%
Isaɣuln
[ssnfl | Snfl asagm]
Ɣaylli sis izdin
[ssnfl | Snfl asagm]
 |
Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t. |