Talɣa:Homepage/featured article/3
Iga Lḥaj Blɛid ( s ism nns iɣzzifn : Blɛid u Brik Da Bihi ) yan rrays amaziɣ asusi aclḥi. Illul gr 1870 d 1875 ɣ Wanu n ɛeddu ɣ Idawbaɛqil, immt ɣ 1945.
Lḥaj Blɛid iga yan ɣ tmatarin mqqurnin n usnulfu amaziɣ ɣ tasga ittuyassann ɣilad s Sus d idɣarn lli ɣ ttyawsawal tutlayt taclḥit. Ur nssen kigan f umezruy nns mqqar nẓḍar ad nini mas tman d isnifiln ixatarn lli issn iffus n Lmrruk ɣ tasutin ad ggʷranin zɣ mad gguran imɣarn mqqurnin satn ar ttrzan inkan lli f tbidd tamtti taqburt ar srusen iwutta n insayen d temyurin yaden inmalan d tudert ingwan ɣ tgadirin nnesen mqqurnin. Rad iniɣ, mas d lliɣ d gguran imɣaren mqqurnin zun d Ametuggi, Aglawi d wiyyad, fkan udem yaden i tnbadt ɣ tsga yad kksnt ɣ ifassen n inflas n teqbilt ; mkan nit ad satnt tɣawsiwin yaḍn, zun d amarg d insayen iqburen, ar ttfuɣen iger nns ametti ar lssan timlsa yaḍn inmalan d isnulfuten lli d sgguran inbaden ad. (Ɣeṛ uggar...)