Sus

Zɣ Wikipedia
Aller à la navigation Aller à la recherche

Hann tasna n adɣar amzray d tamazirt n Sus ad tga xta ! Amma tasna isawaln f tasga n Sus-Massa lli igan yat zɣ tsgiwin n Lmɣrib hat xtad ad-t igan.


Tiqbilin tisusiyin ɣ uzmz n Aḥmad Almanṣur Addahbi ɣ 1580

Tga Tamazirt n Sus (s tfinaɣ: ⵙⵓⵙ, s taɛrabt: سوس, s tfransist: Souss) yat tasga bahra istawhman ɣ tgldit n Lmɣrib, slawan akkʷ s umzruy, tadlsa d tarakalt nns, tbḍa f snat tsgiwin Sus-Massa d Glmim-Asif Nun. Ayt sus gan iclḥiyn ar sawaln tutlayt taclḥit. Tettussan tasga ad bahra s taddagt n wargan lli gis illan d ur illin ɣ tta mani yaḍn. Tg ula udɣar nna ɣ bdan imbraṭuryat mqqurnin zun d Imrabḍn, Imwaḥḥidn, Isɛdiyn d ula tagldit n Taẓrwalt.

Tga Sus yat tsga nna ɣ tlla lfilaḥa iggutn, ilin gis tugt n carikat, tettussan s tamallayt ɣ tgldit n Lmɣrib. Tamaẓunt nns tga-tt tmdint n Ugadir, tg tamdint lli akkʷ gis imqqurn d nttat ad yusin tadamsa n tmazirt n Sus. Ilin daɣ timdinin yaḍnin zun d Tiznit, Tarudant, Ayt Mllul, Inzggan, Ayt Baha, Byugra, Tafrawt, Ifni, Ṭaṭa ...

Tarakalt[ssnfl | Snfl asagm]

Sus tga yat tmazirt nɣ tsga illan ɣ unẓul utrim n tgldit n Lmɣrib. Tg tasga nna ɣ illa uṭṭun akkʷ imqqurn n imsawaln s tutlayin timaziɣin ɣ tgldit. Tutlayt nnsn tga taclḥit.

Ɣ tmazirt ad ar nttafa idrarn n waṭlas mqqurn ɣ ugafa nns d idrarn n waṭlas mẓẓiyn ɣ tuẓẓumt nns. Adrar lli akkʷ gis imqqurn iga tt adrar n Sirwa lli illan gr aṭlas mqqurn d way mẓẓiyn. Ar tlkkm tiɣzi nns uggar n 3 304 m. Ar gis zrayn yan wasif bahra ittussan att igan Asif n Sus.

Timdinin nns imqqurn gan-tn Tiznit, Tarudant, Ayt Mllul, Inzggan, Ayt Baha, Byugra, Tafrawt, Ifni, Ṭaṭa, Wlad tayma, Bizakarn, Massa, Taliwin ... Tg Agadir tamaẓunt nns

Amzruy[ssnfl | Snfl asagm]

Yan ccarij nna ɣ llan kigan d waman ad iskrn ɣ Sus yat zɣ tsgiwin lli akkʷ iblsn ɣ tgldit n Lmɣrib tasutin f tasutin ayad. Ittussan ɣ mad idrusn zɣ tasut tis-yan d mraw s tadlsa nns d usifḍ n sskkar. Azmz n wurɣ n tmazirt n Sus tlla ɣ jwayh n tasut tis-sa d mraw ɣ uzmz n tagldit n Taẓrwalt, tkka-tt-inn ɣ uzmz ann tga tmazirt n Sus yat tmazirt istaqlan s yixf nns d tstaɣlla ɣ-akud-ann tasbbabt n wassay aṣḥrawi n wurɣ d uznz n sskkar i isbbabn ibrṭqqizn, ihulanḍiyn d inglizn. Ammas n tsbbabt n bṛṛa ɣ-akud-ann ikka-tt-inn ɣ Ugadir, yat tamdint illan ɣ iggi wasif n sus s kra n 10 id kilomitr[1].

Tutlayt[ssnfl | Snfl asagm]

Crystal Clear app kdict.png Imgradn lli sis iẓlin : Tutlayt Taclḥit
Tigrawin n tmazirt n Lmɣrib nna ɣ ttuysawaln Taclḥit dar uggar n uzgn n middn.

Ar sawaln isusiyn s taclḥit lli igan yat tutlayt tamaziɣt illan ɣ tamazirt n lmɣrib, middn li sis isawaln gan Iclḥiyn. nttat ay-gan tutlayt tamaziɣt tamzwarut ɣ wuṭṭun n imssiwln d tiriwt n udɣar arakal nna tumẓ, llan uggar gr 8 ar 10 id mlyun ar sis sawaln.

Tettusawal Tclḥiyt ɣ Sus, Iḥaḥan, Lḥuz n Mrrakc d kra n tsggʷin yaḍnin asn d iwalan. Tumẓ tutlayt taclḥit zɣ Taṣṣurt ɣ ugafa ar Aglmim ɣ unẓul ar Warzazat ɣ ugmuḍ. Mac ar tin ntafa tlla ula ɣ timdinin mqqurnin n lmɣrib zun d Tigmmi Tumlilt, d Rṛbaṭ d Sla.

Tkattin taclḥit ar tt taran s uskkil aɛrab nɣd alatini, ilin tugt n arratn s tclḥit s uskkil aɛrab. Ɣ isggʷasn ad ggʷranin isfɣ usinag agldan n tussna tamaziɣt anaw amaynu n tifinaɣ ar as tinin Neo-Tifinaɣ ntat ɣila as tt taran willi as ssnin. Mqqar twuri lli d iskr usinag agldan, agmmay alatini d waɛrab ad akk iggutn slawan ɣ lWib d wantirnit.

Taclḥit kcmn tt iwaliwn n taɛrabt mac nttat ay-gan tutlayt tamaziɣt nna idrus is as kcmt iwaliwn iɛrabn, urd zun d taqbaylit d tarifit d tutlayin timaziɣin yaḍnin ..., nẓḍar ad nini mas d nttat ay-gan tutlayt tamaziɣt nna akkʷ iṭṭafn uṭṭun imqqurn n iwaliwn iẓuran ɣ tmaziɣt, zun d amdya d izwiln nna illan sul ɣ wawal aclḥi ar ɣassa. Ɣayn ad yujjan tutlayin timaziɣin yaḍnin atn usin zɣ taclḥit afad ad tn skcmn s wawal nsn.

Imzdaɣ[ssnfl | Snfl asagm]

Agadir, tamdint akk imqqurn ɣ Sus

Ayt sus gan yan ugdud zɣ igdudn iclḥiyn imaziɣn[2].

Timdinin tisusiyin[ssnfl | Snfl asagm]

Tiqbilin tisusiyin[ssnfl | Snfl asagm]

  • Laxṣaṣ
  • Idakarsmuk
  • Idakwaran
  • Idakwakmar
  • Idaw Amḥmd
  • Idaw Baɛqil
  • Idaw Brahim
  • Idaw Blal
  • Idaw Buzya
  • Idaw Tinst
  • Idaw Zal
  • Idaw Zdut
  • Idaw Zdaɣ
  • Idaw Zkri
  • Idaw Ziki
  • Idaw Smlal
  • Idaw Finis
  • Idaw Ktir
  • Idaw Knsus
  • Idaw Gniḍif
  • Idaw Ltit
  • Idaw Martin
  • Idaw Mnu
  • Idaw Niḍif
  • Arɣn
  • Actukn
  • Aksimn
  • Amanwz
  • Ammln
  • Alanṣaṣ
  • Wlad Jlal
  • Wlad Mimun
  • Wlad Yaḥya
  • Awnayn
  • Ibrkakn
  • Ayt Aḥmad
  • Ayt Alḥsn
  • Ayt Alxms
  • Ayt Alrxa
  • Ayt Alsaḥl
  • Ayt Almɛdr
  • Ayt Alnṣ
  • Ayt Awɣan
  • Ayt Awfra
  • Ayt Awqa
  • Ayt Awkadir
  • Ayt Awkrḍ
  • Ayt Awklw
  • Ayt Awmribṭ
  • Ayt Ifran
  • Ayt Ikas
  • Ayt Ilukan
  • Ayt Baɛmran
  • Ayt Baha
  • Ayt Baha Awmlal
  • Ayt Brayyim
  • Ayt Bubkr
  • Ayt Buɛṭa
  • Ayt Bunuḥ
  • Ayt Bwalṭib
  • Ayt Trudant
  • Ayt Tidli
  • Ayt Tiznit
  • Ayt Tifawt
  • Ayt Tikni
  • Ayt Zkri
  • Ayt Jrar
  • Ayt Jml
  • Ayt Aḥmd
  • Ayt Ḥrbil
  • Ayt Smik
  • Ayt Ṣwab
  • Ayt Ɛbdallah
  • Ayt Ɛbdallah Awsɛid
  • Ayt Ɛtman
  • Ayt Ɛli Waɛla
  • Ayt Ɛmirt
  • Ayt Ɛin
  • Ayt Falas
  • Ayt Massa
  • Ayt Mẓal
  • Ayt Musa
  • Ayt Musa Awɛli
  • Ayt Milk
  • Ayt Wadrim
  • Ayt Warḥu
  • Ayt Wasa
  • Ayt Wasu
  • Ayt Wafqa
  • Ayt Walyaḍ
  • Ayt Wikman
  • Ayt Yḥya
  • Ixulan
  • Iduska Izdar
  • Iduska Awfla
  • Irḥaln
  • Iznakn
  • Isafn
  • Isakn
  • Isktan
  • Ismukn
  • Isndaln
  • Issi
  • Iṣbuya
  • Iɣcan
  • Iɣir Mluln
  • Ikunan
  • Ikunka
  • Ilaln
  • Iliɣ
  • Imjaḍ
  • Imstitn
  • Imskin
  • Imcgigiln
  • Imntakn
  • Indawzal
  • Induzal
  • Ihrkitn
  • Iwaziwin
  • Bizakarn
  • Tazrwalt
  • Tasrirt
  • Taskdlt
  • Taṣdmit
  • Taṭawin
  • Taɣjijt
  • Tafndilt
  • Takmut
  • Takna
  • Tamnart
  • Tudma
  • Tucka
  • Tuflɛzt
  • Tikiwin
  • Tiyuwt
  • Alxnafif
  • Aldu Drar
  • Alzwafiṭ
  • Fm Alḥṣn
  • Qṣur Ṭaṭa
  • Alqliɛat
  • Kṭiwt
  • Alknasis
  • Mzdakn
  • Almnabht
  • Mir Alelft
  • Hwart
  • Turkuz
  • Tafrawt
  • Tafrawt Almulud
  • Ilɣ
  • Anmalus
  • Mrayt
  • Ayt Mnṣur

Tiwlafin[ssnfl | Snfl asagm]

VLC Icon.svg Tagzzumt ad txwa ur gis illi yat d ur gis ittyura amya, Aws ɣ tirra n tgzzumt ad ! Manmk a rad skrɣ ?

Udmawn[ssnfl | Snfl asagm]

Uggar[ssnfl | Snfl asagm]

Imlan yaḍnin[ssnfl | Snfl asagm]

Idlisn[ssnfl | Snfl asagm]

VLC Icon.svg Tagzzumt ad txwa ur gis illi yat d ur gis ittyura amya, Aws ɣ tirra n tgzzumt ad ! Manmk a rad skrɣ ?

Iɣbula[ssnfl | Snfl asagm]

  1. ( fr ) Wikimazigh.com - L'histoire de Souss
  2. Tribus de Souss - 16 uktubr 2010