Taltmsn (Isagn)
 Taltmsn | ||||
|---|---|---|---|---|
 Lmɣrib | ||||
 | ||||
| Tamssugurt | ||||
| Tamazirt | Lmɣrib | |||
| Tasga | Tasga n Sus-Massa | |||
| Tamnaḍt | Tamnaḍt n Actukn-Ayt Baha | |||
| Tagrawt | Awgnz | |||
| Taqbilt | Isaggn (Ayt Ṣwab) | |||
| Adwar | Taltmsn | |||
| Ism anṣli | ⵜⴰⵍⵜⵎⵙⵏ | |||
| Tarakalt | ||||
| ||||
| Taraɣrft | ||||
| Imzdaɣ | 55 n imzdaɣ (2004) | |||
| Isallen yaḍn | ||||
| Akud adigan | UTC±00:00 d AMS+01:00 | |||
Taltmsn Isaggn iga yan uḍwar asusi itabɛan i taqbilt n Isaggn Ayt Ṣwab. Illa uḍwar ad ɣ ammas n idrarn n waṭlas mẓẓin ɣ udrar n Lkst ɣ tmnaḍt n Actukn-Ayt Baha ɣ tsga n Sus-Massa ɣ tmazirt n Lmɣrib.
Ar ittini usiḍn lli ittyuskar ɣ usggʷas n 2004 mas uḍwar ad zdɣn gis tqriban kra n 55 umzdaɣ d 14 n tawjiwin[1].
Tarakalt[ssnfl | Snfl asagm]
Tlla taltmsn ɣ tgrawt n Awgnz, ɣ tmnaḍt n Ctuka-Ayt Baha, tasga n Sus-Massa, ɣ tmazirt n Lmɣrib, taggug s 120 km f tmdint n Agadir ɣ iffus d s 50 km ɣ izzlmḍ n tmdint n Tfrawt.
Imzdaɣ[ssnfl | Snfl asagm]
Tugt n imzdaɣ n Taltmsn ar tmuddun s timdinin mqqurnin n tmazirt n Lmɣrib. Llan ɣ Ugadir, Mrrakc, Tigmmi tumlilt, Rrbaṭ, Lqnḍṛt..., llan akkʷ ma gisn izugn s brra slawann akkʷ Fransa d Marikan.
Adwar ad ar ittxwu ɣ tgrst. Mac ar ittɛmmar ɣ unbdu slawann akkʷ iɣ illa kra n lmɛruf
Tifugliwin[ssnfl | Snfl asagm]
Bla ad nbdr tfugliwin tinamurin d tin ddin, da ttḥtafaln Ayt Taltmsn s kigan n tfugliwin yaḍnin zun d ukan :
Idrnan[ssnfl | Snfl asagm]
Yan wanaw n uɣrum gis tammnt d amlu. Idrnan ad ar sis ttḥtafaln snat twal ɣ usggʷas, ass n lxmis amzwaru n fibrayr d win mars. Tafugla ad ar gis ittili kraḍ wussan ; ku yan d limkanyat nns d aylli mi iẓḍaṛ ar isbrrak d ar thalla ɣ tazzanin d inbgiwn d iqqbiln.
Assifd[ssnfl | Snfl asagm]
Fad ad nnurzn yan usggʷas anflaḥ iɣudan, iɛrrimn n udwar ar tmttaln kra n tmɣra nna ɣ ar skarn ɣ kra n ddumya tislit nna d ttasin ɣ kra n lɛmmarya ḥaqqan d ar ttirirn d hḍrn ar d lkmn s uḍar n yan udrar nna ɣ t gis srasn ɣ yan ifri d kra n tɣawsiwin zun d tknarit iqqurn, d lluz, d alim. Ilmma ar taḍun s lmuḍɛ n udwar nna ɣ tkmmaln lhḍrt nnsn
Isswabn[ssnfl | Snfl asagm]
Yan wanaw n tfugla nna ɣ lssan middn ihdumn igan fckl; ar sduqqurn f tgmma d ar ttxtaraɛn kra n lqisas issḍṣan fad ad skcmn tumrt ɣ middn n udwar.
Lmɛarif[ssnfl | Snfl asagm]
Tirmt tamgrut s umata ar tgga sksu d kra n tfiyya ɣ usklu n yan Uxrrub imqqurn nɣ d tama n tmzgid nɣ d akkʷ dar usmḍl n ugrram Sidi Mussu Brahim lli illan ɣ wafa n yan izig ar as ttinin Cciɣ.
- Lmɛruf n tiyigiwin tamatart n tigira n twuri,
- Lmâarouf n ddu tkida fad ad ttḥtafaln s ixf usggʷas anflaḥ,
- Lmâarouf n Sidi Mussu Brahim, Ar sis ttḥtafaln imzdaɣ n udwar ad, d Ayt Tagḍict, d Ayt Ibnnawn, d Ayt Imi n Tɣzut ɣ imalas wis kraḍ n wayyur n ɣuct.
Isaɣuln[ssnfl | Snfl asagm]
- ↑ ( fr + ar ) Asiḍn n n imzdaɣn n Lmɣrib ɣ usggas n 2004 ( PDF ) - Tasmirit tamattayt n usɣiws.
 |
Amgrad ad izdin d Lmɣrib iga amud, imẓẓiy ka sul. Aws Wikipidya s usnfl nns, tssimɣurt t. |