Faṭima Tabaɛmrant

Faṭima Tabaɛmrant

afgan

Anaw nɣ asrtu	unti
Tamazirt n tɣlant	Lmɣrib
Ism s tutlayt taymmat	فاطمة تبعمرانت
Ism amzwaru	Faṭima
Assf n tlalit	30 Yulyu 1962
Ida n tlalit	Lmɣrib
Tutlayin s ar isawal, d s ar ittara	Tutlayt tamaziɣt
Tawuri d mad isala	chanteur ou chanteuse, personnalité politique, Amsyys, acteur ou actrice
Fonction	membre de la Chambre des représentants du Maroc
Parti politique	Rassemblement national des indépendants
Instrument de musique pratiqué	voix

Faṭima Tabamrant ( s tfinaɣ: ⴼⴰⵜⵉⵎⴰ ⵜⴰⴱⴰⵄⵎⵕⴰⵏⵜ) nɣ Faṭima Cahu tga yat tnaẓuṛt, tamɣnast d tmɣart n tsrtit tamaziɣt taclḥiyt zɣ tsga n Sus, tettussan bahra s umarg-nns. Tg yat zɣ tmɣarin lli yakkan amarg ilan atig. Tlmd Tamdyazt aylliɣ ar tettara iwaliwn-nns.

Ism nns

Tabaɛmṛant ɣiklli aɣ-immala ism-nns tucka-d zɣ Ayt Baɛmran lli igan tiqbilin lli bahra ittyawssann ɣ unẓul n Lmɣrib. Tlul ɣ 1963 ɣ Bugafr, taqbilt n Idaw Nasr, iwalan i tiqbilin n Ayt Baɛmran.

Tamẓiyt n tgigilt

Faṭima Tabaɛmṛant ur d-tlul taf d taɣnjawt n uẓṛf ɣ imi-nns. Macc tnkr-d tga tigigilt. Tkka afus ɣ timẓi-nns, tga taxddamt dar tmɣarin n baba-s. Ɣayn ad tt-idḥin tigmmi-nns tamzwarut, iml as idɣarn d iɣarasn yaḍnin. Zun ifran (n idrarn n waṭlas mẓẓiyn) ɣ isggʷasn n sa id mraw (70s), d laxsas ɣ tsgiwin n Tznit. Ammussu ad nns gr tgʷmma d idɣarn d tmnaḍin rad gis iskr yat tamɣart ilmdn kigan n tɣawsiwin li rad gis iskr tamɣart mqqurn ɣ tmazirt n Lmɣrib.

Taɣarast n umarg d tmdyazt

Tigmmi n Faṭima Tabaɛmṛant

Ɣ umzwaru tkcm s trabbut nɣ tinml n Ulbnsir ar ttrkaz ar ttrar awal, tffaɣ dars tkk mnnawt fad ad tkcm s tin Sɛid Actuk. Macc mddn ur t-ssin abla ɣ tgira n isggwasn n 80 d Muhmmad Blfqqih nttan ad d tetḥi tassfift-nns izwarn, tskr dids amarg n tnḍḍamt, ngirin tskr ilmma tarabbut-nns. Tabaɛmṛant mqqar as ur ittufki wawal ɣ umzwaru ɣ tgtmma n Ṛṛways tusi tayafut ɣ tirmiwin nns : « Dar Ulbnsir lmdɣ tunfust d ssiɛr n tmaziɣt, dar Sɛid Actuk manik s ar skarɣ amarg n usays, dar bllfqqih asnmili n trabbut d tikki n luqqr ngr Ṛṛways d taṛṛaysin ».

Tabaɛmṛant tga yat tanaẓuṛt lli f nnan Imaziɣn n Sus d tamwin nns mas d amarg lli ttirir iga winns, tlditid, zund asmun-nns Ṛṛays M. Blfqqih lli d tzrri imik ɣ tudrt nns n tuṛṛuysa. Tml mayann ula ɣ umarg-nns n isuyas d walli tfka i Ṛṛaysa Killy ɣ 1995.

Amarg n Tbaɛmṛant ikcm ɣ umarg n tmɣarin lli d ssagʷanin iwaliwn fsusnin d twlafin fawnin. Tabaɛmṛant iggut ma f tsawl macc amrnu-nns iga-t aylli mi tga amarg n nnasiḥa amarg f igigiln d imẓlaḍ d umukris n tmaziɣt.

Tabaɛmṛant d umarar

Tssnti amarg ɣ 1983 d unaẓuṛ ṛṛays Jamɛ Lḥamidi, ḍffir mayad tarabut n actuk d tssnti asusr n tamdyazt ɣ usggʷas 1984 d mulay Muḥmmad Blfqih, llliɣ ar tettallas izlan n tḥiḥit mqqurn d Rqyya Talbnsirt. Ɣ usggʷas 1988 tmmuti s tinml n lḥajj Muḥmmad Albnsir, ɣ 1990 tskr Faṭima Tabaɛmṛant tarabbut-nns ur tmaṭl afad ad tt-tskr tizi nns , d tssfifin-nns nzant bahra acku tzḍaṛ ad tskr tamamkt-nns tburz sis ɣ usarag n tẓuṛi, s tguriwin n izlan-nns d uẓawan-nns “amarg-inu” ɣiklli as-tettini Tabaɛmṛant, tyussan ula s imsli nns adunan . Tzḍar uḍffir n mayad mnck n iwizn n tẓuṛi kra gisn zrin usrid ɣ tnzwayt d tilifizyun tanamurt. D iwizn n tmsmunin zun d tsdawit n unbdu d usgraw Ṛaja Agadir, tzzri tugt n inmuggarn ɣ tugt n tmnaḍin ɣ Lmɣrib ula bṛṛa nns zun d: Milan, Bariz, Utrixt, Bruksil ...

Tisfifin nns

Album	Taɣlaɣalt (2007)
Track Listing	tizlit
1	"(azawan)"
2	"Ssllam"
3	"Tirra n yils"
4	"Ajddig n lwrd"
5	"A bu nniyt"
6	"Ayt l ɛaql"
7	"Azawan yguran"

Album	"Aṭalb itaran Atalb Itarane" (2010), gulf azawan (tigmi tumlilt)
Track Listing	tizlit
1	"Tayri nnun ayamarg"
2	"Ataddawat amin"
3	"Ikun ay adrdur faɣ ḥarkn akaln"
4	"Lhm uw lhm"

Album	"ward iḥadan aman" (yulyu 2009), afraw tasfift tassfuɣt (agadir), (afraw)
Track Listing	tizlit
1	"Urigiwi ṛwa aẓlmaḍ"
2	"Izam akrkad"
3	"Yayran jnb limam"
4	"Asaqsi d ljawab"
5	"Fraḥnit tazɛamt"
6	"Ward iḥadan aman"

Album	"Azul n ḥnna" (nuwanbr 2008), afraw tasfift tassfuɣt (agadir), (afraw)
Track Listing	tizlit
1	"Amund diɣ ayamarg"
2	"Nnan itran"
3	"Mani tlkam twada"
4	"Azul lḥnna"

Album	"Baba yuba" (yulyu 2007), afraw tasfift tassfuɣt (agadir), (afraw)
Track Listing	tizlit
1	"Urid anmun atawnza"
2	"Baba yuba"
3	"Agaɣ ur tmalat"
4	"Ayan iḥadan"

Album	"Izd akal n tmaziɣt" (ynnayr 2007), afraw tasfift tassfuɣt (agadir), (afraw)
Track Listing	tizlit
1	"Izd akal n tmaziɣt"
2	"Afrak"
3	"Aɣzif ad ay gan"
4	"Bdiɣ awal nnk s lxir"

Album	"Tuf dar nnɣ imi lward" (2006), afraw tasfift tassfuɣt (agadir), (afraw)
Track Listing	tizlit
1	"Uraka awdi niɣ yat"
2	"Tuf dar nnɣ imi lward"
3	"Ara amarg artirirt"
4	"Fiɣ adar itbrida"

Izdayn n brra

• Music City
• Dailymotion-musiikkivideo
• Guardianin artikkeli
• World Music Central

Amnni ad iga amud izdin d imɣnassn d ixatarn Imaziɣn lli yusin anzgum n tutlayt d tamagit Tamaziɣt. Aws i Wikipidya s usnfl nns, tssimɣurt t.