Ḥmad Ddɣrni
| Ḥmad Adɣrni | |
|---|---|
| ⵃⵎⴰⴷ ⴰⴷⵖⵔⵏⵉ | |
.jpg) | |
| Umlan fllas | |
| Talallit | 1947, Ayt Ɛli |
| Tamdint | Ifni |
| Taqbilt | Ayt Baɛmran |
| Adɣar | Tamazirt n Sus |
| Tamazirt |  Lmɣrib |
| Tutlayt | Taclḥit |
| Tamttant | 2020, Tiznit |
| Tawuri | Amgay |
Ḥmad Ddɣrni (s tifinaɣ : ⵃⵎⴰⴷ ⴰⴷⵖⵉⵔⵏⵉ) , ilul ɣ wass n 5 mayu 1947 ɣ tawsit Ayt Ɛli ɣ yat ɣ tiwsitin n Ayt Baɛmran ɣ Lmɣrib, immut ass n 19 uktubr 2020 ɣ Tiznit[1], iga amasatan, asrtan, amdyaz, amara d umɣnas n izrfan n imaziɣn ɣ Lmɣrib.
Iɣṛa ɣ uswir amnzu ɣ usun "Taddart" , deffir maya ismd tiɣri nns ɣ usinag n Tiznit, lliɣ ur ta idda s Trudant, yumẓ aslkin n bakalurya ɣ usinan n usmuttg Yusf bn ɛli ɣ Mrrakc, idda dffir maya s tsdawit n Fas yawi d zgis turagt ɣ tẓlayt n uzrf. Iddu ilmma s tsdawit n Muḥmmad 5 ɣ Ṛṛbaṭ, yamẓ gis turagt yaḍn ɣ tẓlayt n uzrf. Ikka tt in iga yan zɣ imɣnasn n "Tamunt Tanamurt n Imzrawn n Lmɣrib" yilli ɣ umzaz n uzlmaḍ.
Ɣ isggʷasn n 70, issnta taɣarast tazzulant am umstan ɣ Sidi Sliman , dffir nns immutti s Rrbaṭ.
Tudrt nns
[ssnfl | Snfl asagm]Ilul Ḥmad Adɣirni ɣ usggʷas n 1947 ɣ usun n taddart nna iwalan i tqqbilt n Ayt Ɛli ɣ Ayt Baɛmṛan, ikka tt inn babas iga aslmad ɣ tinml n Zzawit n taddart d umstan, iga u usun n igʷrar n Sidi Ɛbdṛḥman ɣ tnila n Tiznit, tagrawt n uglu iɣra n Dɣirni asslmd nns amnzu ɣ udɣar n tlalit nns, ismd taɣuri nns ɣ usinag n tznit aylliɣ immatti s win trudant, yumẓ tugga n lbak ɣ usinag n Bn Tacfin ɣ Mrrakc, dffir n mayann immatti s tmdint n Fas lliɣ yumẓ turagt tasdawant ɣ tskla, issḍfṛ as yat turagt yaḍnin ɣ uslgn ɣ tsdawit n muḥmmad wiss smmus ɣ tɣrmt n ṛṛbaṭ, aylliɣ iswwuri am umstan ɣ ṛṛbaṭ nit, zɣ usnti n ssbɛinat iga agmam ɣ twwuri tasrtant zɣ imẓiy nns ig ula agmam anmmassu ɣ tamunt n imzrawn n Lmɣrib iga igllin n Ḥmad adɣirni zɣ imqrann n umussu amaiɣ d umɣar n imaziɣn akkʷ,yiws ɣ tinawin timzwura n tsdawit n unbdu ɣ ugadir, ig awd anmmassu ɣ tmagrawt tamaynut, ig zɣ inbdadn nna biddnin i uskkir n ukungṛi amaḍlan amaziɣ ,d umzday n usqqim anamur n izrfan n ufgan ɣ fyinna asggʷas n 1993,ig uwnni ann yan usrag n usussn n tmntilt tamaziɣt ɣ uswir amaḍlan, ig anbdad nna iskrn taswingmt n ukabaṛ adimuqṛati amaziɣ amaɣribi ɣ usggʷas n 2005 Ḥmad adɣirni ifld tugtt n warratn ɣ igr n tskla d umzruy d tsrtit ula asgd nna izdin d tmaziɣt,iskr awd taɣmmist n « amzday » d « tamaziɣt », ittussan mass adɣirni dar imaziɣn akkʷ is ar bdda inzzɣ f izrfan n imaziɣn ɣ mad iẓlin s tutlayt d usgd d tɣnsa s umata d inkraf isrtann kra gan.[2]
Tiẓṛigin
[ssnfl | Snfl asagm]
Zɣ tẓṛigin n igllin n adɣirni:
- عبداملومن: مرسحية من تاريخ املوحدين
- « ⵄⴱⴷⵍⵎⵓⵎⵏ » ⵢⴰⵜ ⵜⵎⵣⴳⵓⵏⵜ ⵅⴼ ⵓⵎⵣⵔⵓⵢ ⵏ ⵍⵎⵓⵡⴰⵃⵃⵉⴷⵉⵏ
- املهدي بن تومرت: مرسحية من تاريخ املوحدين
- « ⵍⵎⵀⴷⵉ ⴱⵏ ⵜⵓⵎⵕⵜ » ⵢⴰⵜ ⵜⵎⵣⴳⵓⵏⵜ ⵅⴼ ⵓⵎⵣⵔⵓⵢ ⵏ ⵍⵎⵓⵡⴰⵃⵃⵉⴷⵉⵏ
- « دموع الغولة: مجموعة قصصية « الغولة دموع ⵜⴰⴷⵍⴰ ⵏ ⵜⵓⵍⵍⵉⵙⵉⵏ
Ilin idlisn yaḍn d tzrawin nna urta ifsr igllin n dda ḥmad adɣirni.
Abrid n tɣnsa d tmsmunin
[ssnfl | Snfl asagm]Abrid n tɣnsa n dda Ḥmad Adɣrni inta zɣ isggʷasen n 80 d umussu amaziɣ ɣ Lmɣrib, idra ɣ tuwriwin n tsdawit n unbdu ɣ Ugadir , d agd ɣ tmusmunt "Tamaynut''.
Ɣ isggʷasn n 90 ikka-tt-in iga anflus amatay n UAU "Usqqim Anamur n uzdduy gr timsmunin timaziɣin n Lmɣrib".
Abrid asrtan
[ssnfl | Snfl asagm]Isllwi dda Ḥmad Adɣrni amulli asrtan amaziɣ amzwaru ɣ Lmɣrib "Amulli Adimuqraṭi Amaziɣ" ɣ 2005, maka tgdlt tamawast n ugnsu tamɣrabit asggʷas n 2008.
Abrid anɣmas
[ssnfl | Snfl asagm]Iga Ḥmad Adɣerni zɣ wi-nna isrsn tirsal n tɣmsa tasimant ɣ Lmɣrib, tasɣunt " Tamaziɣt " lli isker tga tsɣunt tasimant tamzwarut ɣ tawunkt n Lmɣrib. Isllwi snat tsɣunin "Tamaziɣt " d "Amezday " s tutlayt tamaziɣt .
Isaɣuln
[ssnfl | Snfl asagm]- ↑ ( fr ) Tamttant n Ḥmad_Adɣrni :http://article19.ma/accueil/archives/135958
- ↑ Amadalamazigh Press - Nuwanbir 2020/2970. Uṭṭun 238. [Ɣr ɣ wantirnit]
 |
 |
Amnni ad iga amud izdin d imɣnassn d ixatarn Imaziɣn lli yusin anzgum n tutlayt d tamagit Tamaziɣt. Aws i Wikipidya s usnfl nns, tssimɣurt t. |