Ɛumar Wahruc

ɛumar Wahruc
afgan
Anaw nɣ asrtu	awtm
Tamazirt n tɣlant	Lmɣrib
Asakud n tlalit	1926
Ida n tlalit	Mzouda
Assf n tmttant	27 Kṭubr 1994
Tutlayt taymmat	Tutlayt tamaziɣt
Tutlayin s ar isawal nɣ s ar ittara	Tutlayt tamaziɣt
Tawuri d mad isala	chanteur ou chanteuse, poète ou poétesse
Instrument de musique pratiqué	voix

Iga ism nns imdan Ɛumar u Ḥmad u Ɛmar Wahruc Uḥsayn Aẓuḍ ig Wahruc yan ɣ wudmawn n tẓuṛi n tirruysa ɣ tdlsa n Iclḥiyn.

Tudrt

Ilul ɣ 1926 ɣammas n tḥuna n imziln, ɣ uqbil n unẓuḍt. macc illa ma ittinin is ilul ɣ 1933. yiwi d lhawa n umarg sɣ dar Babas da tt inn ikkan iga yan unaẓuṛ n tirudnt (Baqcic), iddr Wahruc ɣ Mṛṛakc ɣilli ɣ ar iswuruy babas ɣ usarag n jamɛ lfna.

Ɣinn a ɣ d ilmd Wahruc ad ig mafawal d bab n nnḍm, iɣnu tagrgurt nns, tzgu as ɣ ugayyu nns twngimt n tukya f usddurri afransis, inẓm ɣ 1952, amarg n "Ḍabiṭ" iṣkkṛḍ gis tifgurin da isrs umsdurri, tg talɣat ann amntil da t icckcmn s usqqur, ikk gis kṛaḍ iyyirn.

Ig ɣammas umudn nns "Ibrgmmi n Lbdiɛ" ɣ usggʷas 1960, ukan s iẓṛi n tɣarast nns da issnflul hati isrs tirsal n yat tinml n tẓuṛi da issilin yat tasuta n rrways zun d Albnsir d uṭṭalb aẓuḍ d Bumya d wiyyaḍ.

Irzf Wahruc mnnawt tmizar ɣ bṛṛa zun d Fransa 1963 d Bljiga 1964, fadd ilmma ifta ad ikk lḥijj.

iggʷiz d wahruc sf tarikt n tudrt ɣ wass n 27 Ktubr 1994 tiɣrdin n yat tamaɣt iṛẓan d waṭṭan.

Amarg

Issufɣ d mnawt talɣatin d umarg zun d:

• Titbirin
• Imḥsadn
• Taqsist n Ḥmmu u Namir
• Ifrxan n ayt umarg
• Tanḍḍamt d Faḍma Tiḥiḥit "Ẓṛiɣ Lbaz".

Ẓṛ uggar

• Lḥaj Blɛid
• Muḥmmad u Taṣṣuṛt
• Ḥmad Amntag
• Fatima Tabaɛmrant