Tiwisi:Astay n Tifinaɣ

Zɣ Wikipedia
Aller à la navigation Aller à la recherche
Test371319.png
Test371319.png
Astay n Tifinaɣ
Wikipidya s Taclḥit


Wikipedia help.png Ttyuskar tasna ad fad ad gis nml taɣarast n ustay n tifinaɣ am agmmay amzwaru Wikipedia help.png

Ɣ umzwaru

Brrk ɣ tasniwin n tiwizi n Wikipidya s Taclḥit, ɣ zun d anaw ad n tasniwin a ɣ rad taft tamrarut f isqsitn izdin d Wikipidya taclḥit...

Ɣmklli yad tssnm, tlla yat tmukrist ɣ ammas n Wikipidya taclḥit ad t igan d mqqar tstim tifinaɣ ɣ ammas n talgamt lli illan ɣ uflla, iɣ tkcmm s kra n umgrad yaḍn nɣ tsbadlm tasna ar d itturri s uskkil alatin acku nttan ad igan aymani. Tasna ad rad awn gis nml taɣarast n ustay n tifinaɣ am ugmmay amzwaru.

Skr Amiḍan

Manmk as rad tskrt amiḍan amaynu

Amiḍan yadlli ur igi ccil bac ad ttarat nɣ d ad tsnflt kra ɣ ammas n Wikipidya. Tẓḍaṛt ad tn kullu tskrt mqqar ur tkcimt, mac afad ad tstit tifinaɣ am ugmmay amzwaru, iqqand ad dark yili amiḍan nnk. Sul, iɣ dark illa umiḍan rad taryt ixf nnk zɣ mad ixccn, ɣayann af k nsisfiw ad tskrt amiḍan nnk tkcmt sis iɣ trit ad tskrt kraygat tɣawsa ɣ ammas n Wikipidya. S tɣarast ad rad iɣli i middn yism nna tgit ɣ usmras nnk ɣ udɣar n wansa IP nnk.

Fad ad tskrt asmras-nnk ḍfṛ isurifn nɣ iɣarasn ad lli rad ak-mlɣ:

  1. Adr f uzday ad n « Kcm » nɣ « Skr asmras » lli rad taft ɣ uflla afasi n tasna nnk.
  2. Ara iwaliwn d ɣaylli ittyaran ɣ uḍṛiṣ iɛwjn.
  3. Skcm Ism n usmras nna trit ad dark yili
  4. Skcm Taguri n uzray (iqqan-k-id ad fllas tkʷtit mzyan acku rad tt sul tḥtajjat zɣ ɣid s lgddam)
  5. Tẓḍaṛt ad tskcmt ula ansa alikṭṛuni (e-mail) nnk iɣ trit, mayad ur igi daṛuṛi macc ar-k nsisfiw ad t-tskcmt (bac iɣ akkʷ tufit ixf-nnk tettut taguri n uzray-nnk, tẓḍaṛt ɣ-akud-ann ad trart asmras nnk s e-mail). Kud-nna tkmmlt asnflul n usmras-nnk, zayd kk-t-id rad gis taft yat tbrat tṣufḍ ak tt-id Wikipidya, adr f uzday lli gis illan bac ad tskrt asddid i usmras nnk.
  6. Sɣzn asddid n usmras nnk, adr f « Sɣzn » lli rad taft ɣ izddar n tasna.

Tikliwin

Avidyu ar ak immal tikliwin n ustay n tifinaɣ am ugmmay amzwaru

Fad ad tstit ɣilad tifinaɣ am ugmmay amzwaru nnk ɣ Wikipidya s Taclḥit, ḍfr isurifn nɣ iɣarasn ad lli rad ak mlɣ:

  1. Kcm s usmras-nnk: Iɣ t ur teṭṭift ḍfṛ isurifn lli llan ɣ iggi n tirra-ad
  2. Adr f tisɣal lli illan ɣ uflla ɣ ufus afasi-nnk tama n yism n usmras-nnk.
  3. Siggl s Internationalisation rad t-taft ɣ tasna tamzwarut n tisɣal, ad ka tggzt imikk s izddar
  4. Sti tamaziɣt tanawayt ɣ talgamt tamzwarut lli ilan yism n tutlayt.
  5. Sti tifinaɣ, nttat ad illan ɣ tuẓẓumt ɣ talgamt tis snat lli ilan yism n Variante de langue du contenu .
  6. Zmmem aylli tskrt ɣ talbuṭunt tazrqit lli illan ɣ izddar ɣ ufus aẓlmaḍ nnk.

Tiwlafin n tikliwin

Tasniwin n Ayt Wikipidya

Tiwizi

Abrlaman

Imgradn istawhman

Iggura